أهلا احوالكم اي يا فواكه يارب تكونوا كلكوا بخير وسعاده أو علي الأقل بخير حابه أفضفض معاكم شويه انا مولوده ذي ما سمعت والدي بيقولي بعيب خلقي منخيري شبه ترموستات التلاجه ذي ما بيقولوا للي ميعرفش:(هو مفتاح التحكم بتاع درجه الحراره) المهم وانا صغيره مهمنيش الموضوع لحد ما كبرت وبقيت مريضه فعلاً مرض تنفسي أو بالإعقاقه دي او (بالعيب الخلقي دا ذي ما بيقولوا) المهم انا فعلاً محتاجه عمليه يجي من تسع سنين فاتوا كدا فأنا كل دا باخد مسكنات ومعاهم كلام وحش من القريب والغريب اقولكوا الحقيقه هو مرض مايموتش أو العمليه مش من غيرها هموت كان ممكن اعيش بالمسكن لكن الكلام بيموت فدقيقه ألف مره فقررت أتصنع المرض للأسف عشان اعملها أو علي الأقل ألفت نظرهم أن كلامهم دا مش بإيدي مش بإيدي أعمل شكلي علي مزاجي انا تعبانه علي الأقل يراعوا دا انا فاكره أن طلبت مره من والدي يهتم بالموضوع دا بعد ماتعليقات إبتدت تزيد منهم يمكن الطناش دا من اهلي سببه أن الموضوع مش حياه او موت أو حتي حياه وموت في حاجات اهم اكيد قررت اجري انا علي نفسي واصلح عيوبي ذي ما بيقولوا مع اني ماليش فيها يد فعملت لنفسي تأمين صحي تبع جامعتي وجريت علي ورقي وقررت أعملها بس يجوا اهلي تاني يقولوا خليها بعد الإمتحانات وتأجيل بعد تأجيل وطلبت انزل اكمل الورق امي قالتلي بالحرف: (مامعناش فلوس لو حصلك حاجه مش ناقصه قرف) فهمتها أن التكاليف كلها تبع التأمين وهي مش هتدفع حاجه بس وجهة نظرهم أن الكليه لا هتجبلي كفن ولا هتخلص إجراءات وتصريح دفن فقررت تاني المرادي اعمل لنفسي فلوس عشان لما يجي معاد تصريح الدفن او تمن الكفن يكون معاهم يدفعوا من معايا تمن اغلاطهم وكلامهم وكلام غيرهم وأجلل شويه ايام اسمع فيها كلام جديد وتعليقات اصعب. اسفه لو طولت عليكم بس هنا المكان اللي ممكن اقول فيه كلام مثلت أنه عدي عادي فيومي ويمكن كمان ضحكت عليه من ناس عدت يومهم وكلوا وشربوا وضحكوا وناموا وانا هنا قاعده بسمع كلامهم فدماغي بيتعاد ومش عارفه انام . شكراً ...

5

0