أحلى حاجة بقى ايه لما تيجي تكتب حاجة عن رحلتك الشخصية أو عن تجربة انت اللي خضتها بناءا على معرفتك انت وقناعاتك انت وتقول الحاجات اللي انت شايفها وحسيت بيها ويكون عندك جرأة وشجاعة تحكي انت غلطت في ايه وغلطك دا وصلك لايه.. فيقوم بقى واحد متخيل نفسه وكيل نيابة الأخلاق والمتحدث الرسمي باسم البتنجان المحمر يروح داخل شاتمك.. والفكرة الحقيقية مش في الشتيمة بس هو اللي بيشتم دا بجد بيبقى محتاج يتعالج، ليه بقى؟ لإن أصل انت عشان تدي لنفسك الصلاحية إنك تشتم حد فانت أولا حطيت نفسك أعلى منه وأحسن منه، وانت في الحقيقة ما تعرفش، تاني حاجة حكمت عليه أحكام من وجهة نظرك وبرضه ما تقدرش تعرف هو كدا فعلا ولا انت بتقول أي كلام عارف إن معظم اللي بيشتم دا بيكون هو اتعرض لشتيمة كتير فبقى عادي بالنسباله بس برضه انت في مجتمع مريض ما تكونش سبب في نقل المرض على الأقل.. أنا شخصيا لما حد يشتمني بضحك في وشه وبقوله أنا بحبك بلاقيه اتوتر جدا واعتذر جدا وبقى حاجة مختلفة كدا لإن جواه شيطان بيتكلم على لسانه وهو مش مدرك، بيبقى عنده طاقة عايز يطلعها في الخناقة أو في الأحكام على الناس أو أيا كان.. الموضوع راح في حتة غير اللي كنت عايز أتكلم فيها بس يلا رزقكم

2

1