Sugar_74919 🇪🇬
منذ 3 ساعات
.
شعور قلق
كنت عايزة أحكي حاجة غريبة.. أنا بحلم بالناس اللي هتموت قبل ما تموت! مرة كنت نايمة في أمان الله عادي وحلمت بواحدة زميلتي ومعاها راجل كبير في السن وكانوا ماشيين من نفس الطريق بتاعي فوقفت وسلمت عليه وعليها (أنا الراجل ده معرفهوش وعمري ما قابلته)، صحيت من النوم وإعتبرته حلم عادي زي أي حلم وتجاهلته خالص، وعلى نص اليوم كده لقيت بوستر نازل بإن الراجل ده إتوفى وإتصدمت إنه هو نفس شكل الراجل اللي حلمت بيه (اللي كان مع صاحبتي في الحلم) وطلع خالها في الآخر!! مرة تانية حلمت بواحد صاحبي هو وإخواته الإتنين وكان معاهم راجل عجوز شوية وعرفت في الحلم إنه أبوه (مكانتش قابلته في الحقيقة ولا أعرفه حتى وولا أعرف شكله، أعرف عياله بس)، المهم سلمت عليهم وإتكلمت معاهم شوية والحلم خلص على كده.. صحيت من النوم وبدأت يومي عادي وخرجت بليل، ويجيلي تليفون يقولي أبو فلان الفلاني البقاء لله! طب إزاي ده أنا لسه شيفاه!!؟ قصدي لسه حالمة بيه! ودماغي تلف بقى ساعتها ومواقف كتييير مشابهة لكده بس مش قادرة أكتب😅 في ناس ممكن تقول يا بختك أو كده، بس الموضوع مُرعب يا جدعان.. مُرعب ومُخيف وبقيت أحيانًا أخاف أنام.
0
7
