التروما اللي بتيجي من الأم بتفضل علامة محفورة جوا الواحد طول عمره. مش أي حد بيقدر يتخيل قد إيه الطفل بيتكسر لما المصدر اللي المفروض يكون أمانه هو نفسه سبب وجعه. تكبر وإنت شايل جواك صوت اللوم، وصوت التقليل، ونظرات الخيبة.. وكل ده بيتحول لجدار بينك وبين أي حب أو أمان تحاول تلاقيه بعد كده. تفضل تدور على نفسك وسط الركام، وتكتشف إنك عمرك ما أخدت الحنية اللي كانت المفروض تطبطب، ولا الكلمة اللي كان المفروض تشيلك. كل جرح صغير بيتراكم لحد ما تبقى شخصية مليانة خوف، غضب، وعدم ثقة. وفي الآخر، بتبص لنفسك في المراية وتسأل: هو أنا فعلاً مستحق حب؟ ولا أنا مجرد نتيجة لأم مجروحة غرست جرحها جوايا؟

2

2