لو مش بتحبي الكاميرا العادية أتصوري بفلتر الفلتر بيخلي الوش بيور لكن الملامح بتفضل هي هي ، الآيس كاب شكله بيبقي لطيف جدًا ع الحجاب ومش روشنة يعني ، ألبسوا الساعة القديمة البايظة إللي عندكوا وإللي يقولك الساعة كام قوله مش شغالة عادي متتكسفش ، لو قصيرة ألبسي Heels صوته مش زي صوت الحصان ولا حاجة ، ولو طويلة بتبقي جذابة وأنيقة ، ألبسي كاچوال ف فرح قريبتك أو فستان عادي مش لازم فستان سوارية طالما مش بيريحك أو معندكيش أهم حاجة يعجبك مش يعجب الناس ، الرفع جميل ، والتخن بيخليكي كيرڤي وقمر ولو عاجبك ومش تاعب صحتك يبقى جميل جدًا متخسيش ، مشاكل وشك ف وشك إنتي لو مش مضايقاكي تمام ، لو مضايقاكي أتحملي فترة العلاج وهتبقي فله. عيشوا حياتكوا يا جماعة زي ما إنتوا عايزين ، الحياة مش هتتعاش غير مرة واحدة ، طالما إنت شايف إنك مش بتعمل حاجة غلط ومش بتخرج عن إطار دينك فأنت كده ف السليم ، فكك من المجتمع ، المجتمع كده كده قليل الذوق♥️.

7

4