بصراحة أنا ساعات بحس إني ماشي في طريق مختلف عن اللي حواليَّ. هما شايفين إني بذاكر وأتعب في حاجات مالهاش لازمة، وأنا شايف العكس تمامًا. أنا مؤمن إن العلم ده هو اللي هيخليني أبني مستقبلي. مؤخرًا بدأت أركز في مجالات زي Kaizen و Lean و Six Sigma. يمكن اللي حواليَّ ميقدروش ده دلوقتي، بس أنا متأكد إن ده رصيد هينفعني قدام. الـ Kaizen مثلاً علّمني إن مفيش خطوة صغيرة بتروح على الفاضي، كل يوم ينفع أطور نفسي بحاجة بسيطة وهتفرق معايا في المدى الطويل. الـ Lean وراني إزاي في حاجات كتير حوالينا مجرد هدر، خطوات ملهاش لازمة بتضيع وقت ومجهود، ولو شيلتها الدنيا هتمشي أسرع وأسهل. أما الـ Six Sigma فده خلاني أبص للموضوع بدقة أكتر، إزاي أقلل الأخطاء وأبقى شبه كامل في شغلي. اللي مضايقني إن المدير ممكن يشوفني خطر وزمايلي يحسوا إني مختلف، بس أنا مش بعمل ده عشان أبان قدامهم، أنا بعمل ده عشان نفسي. في الآخر، أنا مقتنع إن العلم ده زي الفلوس، بيتحوش، وفي وقت معين هقبضه على شكل فرصة كبيرة أو respect أو حتى مكانة ماكنتش أحلم بيها. يمكن محدش مقدّرني دلوقتي، بس أنا عارف إن بكرة هتيجي اللحظة اللي أبص فيها وافتكر إني كنت صح.

0

2