ماما مش بتقعد معايا ومش عارفة أتصرف

Question

انا ماما مش بتقعد معايا ولا بتكلمني ولمة بطلب منها انها تقعد معايا وتكلمني بتقعد معايا تقضية واجب وسعات بتقلي عيزاني اعمل معاكي ايه يعني وبتحب تكلم اخواتها كتير وترحلهم ونصيبي من بابا المتوفي مدتنيش منه حاجة وادت اخواتي ولمه جيت اقلها راضيني باي حاجة زي مارضيتي الولاد قلتلي هتعملي بيه ايه لا طبعا متخديش وماما كمان عندها داء الكدب وانا مش قادرة اثق فيها ف اي كلمه وانا مليش حد غير واحدة صحبتي بس ومش عايزة اعمل حاجة غلط او اكلم 
      ممكن حد يقلي اعمل معاها ايه م عايزة اكون بنت عاق بس مش عايزة اجي ع نفسي لانها لمة بتشوفني كدا بتيجي عليا

Corn_74634 🇪🇬 · Accepted Answer

صلي اولا لو مش بتصلي وقربي من ربنا 
بالليل تصلي قبل  الفجر بنص ساعه وتدعلي ربنا بكل حاجه حلوه انتي عايزها وربنا يهدي امك 
والله المستعان

Ice Cream_72258 🇪🇬 · Answer

نصيحتي استودعي امرك لله

Mango_74635 🇪🇬 · Answer

بصي اولا دي مامتك ولازم تستحمليها مهما كان و اوعي تغلطي فيها مهما حصل انتي ممكن تتجنبيها و بتقللي كلام معاها علشان ميحصلش بينكم مشاكل
تاني حاجة بقى ودا الاهم افتكري ان : وما ربك بظلام للعبيد 
ف افتكري دايما ان الي بيحصلك دا ف الدنيا هتاخدي عليه اجر و ربنا هيعوضك عنه ف الاخرة و ادعي طول الوقت لمامتك بالهداية
تالت حاجة بقى بالنسبة انك عاوزة حد تحكيله ممكن تحكي لصاحبتك و ممكن تحكي على الابلكيشن هنا

Corn_46460 🇪🇬 · Answer

صلي وقربي من ربنا وكمان حاجه شوفي انت في كليه ايه وابحثي عن مجالاتها وبتشتغل ليه في ايه وابني حياه ومستقبل لنفسك واهم حاجه طبعك ما يتغيرش في حد

Waffle_74058 🇪🇬 · Answer

اول حاجة دائما الحق و الادب فوق الجميع و تاكدي شوفي اللي قدامك بيستوعب المعلومة ازاي او دخلتو ايه لو بيتكلم بالاصول اتكلمي بيها لو بيتكلم بالدين اتكلمي بيها و شوفي اكتر يكون جمبك و يساعدك و انتي ديما الداعم لنفسك

Banana_63629 🇪🇬 · Answer

مفيش بعد الام... لكن السلبية إللي هي فيها دي مش صح.... اوجدي ل نفسك ناس تكلميهم و يكلموكي هتبقي أحسن

Potato_66678 🇪🇬 · Answer

صاحبيها اكسبيها هندليها
ورث باباكي ربنا اللي حيحاسبها عليها
بس ربنا حيحاسبك لو عاقتيها