أنا عندي 18 سنة، بقالي فترة تايه بجد وفي افكار كتير بتجيلي، يعني مشاكل في الدراسة ومع الأهل ومع نفسي، بقيت حاسس إني بجد فاشل في كل حاجة، وفي ضغط من المدرسين والأهل ومن نفسي، بوظت حياتي بإيدي ومش عارف اصلحها، حاسس إني كدا خلاص مش هعرف أقوم تاني، بتكسف اتكلم مع حد وافضفض علشان ما يحكمش عليا وعلشان في الأغلب مش بيبقى فاهمني أصلا، أنا بجد المشاكل كترت أوي وكل حاجة طالبة مني إني أقوم وارجع زي الأول، بس أنا حاسس اني بجد تعبت ومش قادر أو مش عارفة اقوم تاني، ممكن لو حد قادر يسمع رغي أكتر من كدا يبعتلي، علشان فعلا محتاج افضفض مع حد واتكلم معاه من غير ما يحكم عليا

4

8