ليه الاهتمام الزيادي مبيتعجبش البنات؟

Question

اوقات بحس اني محتاج life partner  تكون معايا تشاركني كل حاجه ، بحكم اني حد dreamy شويه و مقتنع بفكره الحب الحقيقي و ال soulmate  وما إلي ذلك ، بس لما بنزل علي أرض الواقع بكتشف أنه لا محدش بيستحمل حد و محدش بجد بيحب انك تهتم تحديداً البنات يعني كذا حد نبقي بنتعرف و بنتفق اننا ننزل ديت مثلا ولاني حد لويال فشخ للبنت الي معايا ( حتي لو ف فتره تعارف ) ببدء اهتم و احاول اخد بالي منها لان ده دوري يعني بلاقي ده مش بيعجب حد بس الي هو ليه لما اخليكي اولويه ده ميعجبكيش بجد!؟

Hazelnut_68114 🇪🇬 · Accepted Answer

علشان الاهتمام في البدايه بيخوف خصوصا ان البنات دلوقتى بتشوف قصص وبتسمع ازاى بنات اتضحك عليهم باسم الحب او حد علقهم بيه واختفي ... فطبيعي البنت تخاف من الاهتمام المبالغ وانتو لسه بتتعرفو.. لازم تاخد وقت علشان تطمن ان دا مش مصتنع ولا انك سهل تحب وتهتم باي بنت .. بتكون عايزه تحس ان الاهتمام دا حقيقي وعلشاها هى بس .. ازاى هيكون علشانها وانت لسه معرفتهاش

Mango_67872 🇪🇬 · Answer

بالعكس البنات بيحبوا الاهتمام بس من الشخص الصح ، البنات أصلا اغلبهم عاطفيين موت باختصار لو حسيت ان مهتم ومش عاجبها او دا بيخنقها يبقا انت مش الشخص اللي هي عايزاه ، الفكرة انك ملقيتش الشخص المناسب اللي يبادلك المشاعر مش أكتر

Almond_67947 🇪🇬 · Answer

بتوجع دي يا مانجو

Mango_67872 🇪🇬 · Answer

إني آسف يا ألموند يا أخويا بس كان لازم اقولك الحقيقة

Strawberry_68026 🇪🇬 · Answer

بصراحة خليك تقيل شوية والاهتمام والرومانسية البنات بتحس انه كتير واوفر فبتبعد البنت بتعشق اللي يجزيها وراه

Almond_67947 🇪🇬 · Answer

بتكون نعرف بعض و مبيكونش اهتمام مبالغ فيه والله انا بحاول اظبط و اتعامل مع مشاعري صح بس الفكره أنه كل ده ملوش لازمه لو مديتينش فرصه حقيقيه اثبت ده ف ازاي بتحكمي علي مشاعري أو اهتمامي الي بالمناسبه مناسب لعلاقتنا و فتره معرفتي بيكي أصلا انا مش ذنبي انك اتعاملتي مع شخصيات كانت مش الطف حاجه

Almond_67947 🇪🇬 · Answer

سيب البت تحبك حب البت اسيبك وكده

Mango_67872 🇪🇬 · Answer

البنت بتعشق اللي يجريها وراه ف حالتين ، لو غير سوية نفسيا او عايزة تخس

Almond_67947 🇪🇬 · Answer

للأسف ضحكت

Cookies_65253 🇪🇬 · Answer

بص ممكن يكون فيه بنات بتشوف الاهتمام الزايد ف البدايه دا تلزيق او تشوفك حد مريب
بعد فترة مثلاا نعرف بعض اكتر و تبقا علاقه ملزقه عادى جدااا 
ف العموم البنات بتحب الاهتمام جدااا 
ربنا يعوضك ب الحد اللى شبك يا الموند

Donut_68128 🇪🇬 · Answer

اوقات الاهتمام الاوڤر بيخوف وبيطفش ف البداية بالذات ، لازم تهندل نفسك شوية اه تراعيها وتتقي ربنا فيها بس من غير خنقة ، انا مستوعبة فكرة over caring بس مش كل الناس هتفهمها ، واللي متأكدة منه انك تدعي ربنا انه يعرفك ع واحدة تفهمك زي م انت ومتخافش وتجري

Mango_67872 🇪🇬 · Answer

بعشق الكوميديا السوداء

Almond_67947 🇪🇬 · Answer

اكتر حاجه عجبتني فالكومنت ده انك قولت يا الموند عشان انا بحب الموند الرابرز جداً و شكراً جدا علي دعوتك الحلوه

Almond_67947 🇪🇬 · Answer

نقي الفاظك يا فنان/ه اي تخاف و تجري دي😔😔😔😔

Donut_68128 🇪🇬 · Answer

لا مقصودهاش بطريقة مش كويسة اكيد ، بس فعلا ربنا يرزقك باللي شبهك وتستاهلك ..

Almond_67947 🇪🇬 · Answer

سيم والله

Cookies_65253 🇪🇬 · Answer

مين الموند داا 😂