في حاجه شاغله بالي بقالها فترة؛ وأنا صغيرة دايما بتعرض للضرب من بابا على اتفه حاجه عكس اخواتي كنت دايما انام وجسمي كله كدمات من الحزام وشبشبه وطبعا شبشبه مش بناتي خالص كبير جدا سيب اثر بالاسابيع فاكره ف مره ضربني علشان مروحتش الدرس خلا دراعاتي كلها بنفسجي واحده واحده الكره بدأ يملى نحيته لاني بشوف فرق المعامله وحتى الناس كانو ملاحظين كانو كل يوم بليل الناس تسمع صريخي ويطلعو يحوشوه عني، بسبب الذكريات دي شخصيتي ضعيفه جدا من اقل حاجه بعيط مش بعرف ارد عيوب كتير جدا بسبب الذكريات دي، حاليا بابا سافر علشان الظروف واتغير جدا ونفسه يفرحنا بأي حاجه وانا كمان امنيته دلوقت ينزل يقعد معانا ولو ساعه حتى يشبع مننا وبيبعتلنا هدايا الحمد لله رغم انه اتغير وتاب ومش عارفه ايه لسه شايله من نحيته لا تلقائي لما افتكر الذكريات دي بفضل اعيط لما بيكلمنا مكالمه اوvideo call مش بعرف ارظ ازيك عامله ايه. كويسه الحمد لله الرد على قد الرد وهو فكرني بكرهه بس انا مش بكرهه دي شخصيتي مع كله مش بعرف ارد كل ما احاول انسى مش بعرف احاول احسن علاقتي بيه مش بعرف الذكريات دي عائق قدامي لسه بخاف منه لما اسمع صوته او اشوفه. لو غلطت دلوقت بيكلمني في الفون براحه خالص وبهدوء وكدا ويفهمني غلطي براحه، بقول لنفسي انه اتغير بس بقول برضو انه كدا لاننا واحشينه بس لو كان هنا كان ضربك. الحوارات دي عاملالي عقد وكل يوم بتزيد هل في حد مر بمشكله زي دي وقدر يتخطاها؟ علشان بجد بحاول مش قادره اسامحه بحبه وكل حاجه بس بقعد ءأنبه جوايا.

3

12