بحس إني مش موجوده ومحدش بياخدني بجد

Question

بحس ان مليش لازمه و محدش بيبصلي كل صحابي صاحبو و حبو قبل كدا و دي تحكي عن الاكس و دي تحكي عن البويفريند و انا حاسه اني مش موجوده و اصلا كل ما اكلم واحد بحسو بيحسني هبله بحس ان عمر ما واحد كلمتو خدني علي محمل الجد أو حاجه كلهم شايفني طفله شخصيه و حتي شكل ، اوقات بقعد افكر و اقول الدرجه انا وحشه او مفياش ميزه حد يبص عليها

Apple_67864 🇪🇬 · Accepted Answer

كلام الناس لا بيودي ولا بياخر كل دووول بيفشكلوا في الاخر لا اكتر ولا اقل او الخيانات اللي بتحصل فكك وتعرفي قيمة نفسك

Pineapple_66909 🇪🇬 · Answer

انتى حلم اى شب مصرى

Banana_67859 🇪🇬 · Answer

مش عارفة ده اول بوست يظهرلي بعد ال sign up 
بس في مشكلة كبيرة هنا ، ليه بتاخدي قيمتك من عيون الناس ؟ 
لو انتي مش عارفة مميزاتك و قد ايه انتي شخص جميل و يستحق عمر ما حد هيجي يقولهالك ولا حتي هيشوفها فيكي لإن ببساطة كل اللي حواليكي ما هو إلا مجرد إنعكاس للي جواكي 
شايفة انك وحشة و متستاهليش انك تتحبي و انك محدش بيبصلك و أن و أن و أن هتلاقي كل علاقاتك بتثبتلك ده و بجدارة 
1

Banana_67859 🇪🇬 · Answer

شايفة انك جميلة و عندك استحقاق عالي و تستحقي حد جميل و مش اي حد لا حتي يناسب مستواكي الفكري و الثقافي و يستاهل اصلا يبقي معاكي هتلاقي الناس بتتهافت انها بس تخش حياتك و تبعتلك صباح الخير 
اعرفي قيمتك يا بنت و علي استحقاقك و شوفي فيديوز و طوري من نفسك و طريقة تفكيرك 
لو سيبتي نفسك هتلاقي كل حاجة قليلة شغل قليل معاملة قليلة علاقة متستحقيهاش حد بيخونك صاحبة مش شيفاكي اصلا و الخ الخ 
حبي نفسك

Mango_67847 🇪🇬 · Answer

مش طول الوقت ببقي كدا و بحس اني كويسه و صاحبه كويسه و كل حاجه بس باجي عند حوار الصحوبيه أو الارتباط من الاخر و بحس اني قليله ببص بلاقي دي بيحبها واحد و اتنين و تلاته و دي مصاحبه و عايشه حياتها و دي كذا و دي كذا بحس اني مليش مكان و بحس انهم بيشوفوني عبيطه و بيفضلو يضحكو و يقولو بصو سنجل الشله عمرها ما صاحبت

Banana_67859 🇪🇬 · Answer

انا مش عارفة عندك كام سنة بس بصيلها من فوق 
غيري نظرتك ليها هتلاقيها ولا حاجة 
طوري ذاتك انتي و ثقافتك انتي و تفكيرك انتي و اعرفي انتي تستحقي ايه فعلا و هتلاقي والله اي حد معرفة قصيرة عايز يرتبط بيكي 
اشتغلي ع مانجو و حبيها علشان تعرفي تلاقي الحب اللي برا 
طول ما مفيش حب داخلي واضح و قوي عمرك ما هتلاقي من برا غير العلاقات المؤذية و النرجسية و خوازيق بالعبيط علشان هتاخدي أقل من اللي تستحقيه 
فكري

Tomato_67276 🇪🇬 · Answer

بصراحه نصيحه من ليكي كا اخ بلاش ثم بلاش ثم بلاش الارتباط ده لو مكنش في سياق حلال والله يا بنتي هتتعبي نفسين وهيتم استنزافك بطريقه وحشه جدا انك تكوني فيرجن بدون علاقات حب سابقه ده هيخلي  عندك حياه افضل مش هتفضلي كل شويا تفتكري الماضي والشغل ده سبيهم كل وحده تكلم زي مهيا عوزه انتي مش متضرر في حاجه متخليش المه والكلام يخلوكي تفكري انك لازم تبقي زيهم اسلك سبل الهدي ولا يضرك قله السالكين ولا تسلك سبل

Tomato_67276 🇪🇬 · Answer

ولا تسلك سبل الضلاله ولا يغرك كثره الهالكين فا نصيحه من اخوكي انتي كدا احسن بكتير وانضف

Apple_67864 🇪🇬 · Answer

وممكن يبقا فيكي مميزات الدنيا كلها الادب والاحترام والصلاة وانك بتحبي بقلبك وكل واحد مش بياخد نصيبه من اللي هو عاوزوا والمعظم دلوقتي بيحبوا الفلوس والشهرة بس ممكن تكون علاقتك مع ربنا احسن واحسن من كل دول

Apple_67401 🇪🇬 · Answer

لو فاضيه تعالي ندردش شويه

Peanut_67553 🇪🇬 · Answer

صباح الخير اولا شوفي ربنا خلق البشر متساويين بس فيه اختلافات شكلية او معنوية لكن متفكريش كده اكيد جواك حاجات كتير حلوه وكل انسان له حاجه تميزه عن غيره صلي وقربي من ربنا وثقي في نفسك ومتشغليش دماغك بحد باذن الله هتكوني انسانه رائعه وربنا يوفقك

Cherry_67900 🇪🇬 · Answer

كلام الناس ملوش لازمه ثقي في نفسك ديما وحطي في دماغك أن الاميرات ميقدرش يقربلها اي حد كده وخلاص

Mango_67775 🇪🇬 · Answer

لكي ان تتخيلي انك انتي اللي الشباب دلوقتي بيدور عليها وسط الهبل اللي تحت مسمى (الارتباط)
حرفيا الموضوع ده ما هو إلا هبل و تسليه و لعب عيال من الاخر 
و الموضوع ده لا شطاره ولا إنجاز ده خيانه لأمانه ابو البنت 
متحاوليش تغيري فطرتك اللي انتي عليها عشان انتي الصح و دي علاقه تغضب ربنا 
و افتكري المقوله دي:لا يغرّنَّك في طريق الحق قلة السالكين .. ولا يغرّنَّك في طريق الباطل كثرة الهالكين