المشكله مش معايا بي مع بابا عشان هو شايف اني المفروض كبرت ومخرجش ولا اقعد حتى في المدرسة مع صحابي الولاد مع أننا اخوات من واحنا في الحضانه كنا زي الشله كدا بنخرج للدروس والنادي والمدرسة يعني مش حاجه جديده مثلا وماما معندهاش مشكله عشان اهاليهم صحاب عيلتنا برضه عارفينهم وبنزور بعض في المناسبات وانا مش بعند والله بس انا مبعرفش اقعد وحدي او مكلمش حد انا عندي صحاب كتير بنات وولاد ومش اي حد علي فكره يعني اهلي عارفين اصلا كل صحابي عشان زي ما قلت اهالينا اصلا صحاب امبارح كنت راحه النادي عشان بتمرن وعادي انا وخارجه بابا عرف ان اصلا التمرين مشترك ولاد وبنات فرفض واتخانقنا وانا بالغلط عليت صوتي بس مكنتش قاصده وماما كمان اتخانقت معاه وقعد يقولها انها لازم تاخد بالها مني مع انها اصلا واخده بالها وعارفه كل حاجه عني وهي واثقه فيا اني معملش حاجه غلط وانا بجد مش بعمل حاجه غلط ودلوقتي بابا مش راضي يخرجني من البيت ومتخانق مع ماما ومش بيكلمو بعض وانا حاسه اني السبب اعمل اي ؟ وكمان خد موبايلي

1

9