نفسيتي تعبانة وحياتي روتينية ومفيش حد كويس

Question

انا نفسيتي تعبانه جدا مش مبسوطه خالص حياتي مفيهاش اي حاجه تخليني انبسط روتينيه جدا وعمريي ما قابلت ناس كويسه مع العلم اني بنت لكن عمري ما كان ليا أصدقاء مجرد معارف لاني لما بكتشف عيونهم وان مفيش حد كويس خالص واني اوفر جدا مع الناس مع العلم برضو اني اتغيرت عن زمان كنت وانا طفله طيبه بعبط لكن دلوقتي فاهمه الحياه حاليا ف نص العشرينات نفسي ربنا يعوضني بحياتي الباقيه تكون كويسه والله الدنيا دي وحشه اوب رغم يمكن متعرضتش لحاجات استني اوي لكن الناس حتى من بعيد وحسه ومحدش بتمنى لحد الخير انا نفسي بس ربنا يغيرلى حياتي للاحسن

حاجه تانيه كمان مضايقاني اني تعاملى مع امي وابويا وحش جدا يعني برد عليهم واتخانق كأنهم قدي ومش بسكت عشان ابويا عصبي جدا وانا مش بتحمل وامي برضو بتصعب عليا جدا يعد ما تخلص الخناقه انا بكره نفسي اوي لأبعد الحدود 😭😭😭😭😭😭😭
نفسي ف كلام يريحني شويه

Carrot_67399 🇪🇬 · Accepted Answer

السلام عليكم المرحلة متوصلش انك تكرهي نفسك انتي لينة القلب ودي من اجمل الصفات اللي ممكن تكون في البني ادمين ثانيا انتي لو بتتعصبي علي اهلك ده غلط ومش صح أنا معاكي بس مالناش غيرهم مبنتكلمش مع غيرهم فالجانب الوحش هيطلع علي مين غيرهم

Carrot_65356 🇪🇬 · Answer

تعرفي انا زيك لحد ما اتخنقت و سبت البيت و من شهر 12 ما شفتش احلي و الي تعبني أنهم كلموني مره وحده عشان عايزين فلوس

Potato_67324 🇪🇬 · Answer

وقفي ثانيه مع نفسك 
فكري ف حاجه واحده بس 
دلوقتي انتي ف نص العشرينات و ببتعصبي عليهم 
طب انتي فكرتي ف انهم بقي ضعف سنك و شافو قد اي ف الدنيا خصوصا والدك خليتو يوصل لدرجه العصبيه دي ؟؟ 
 على فكره والدي كان اكتر بني ادم عصبي شوفته ف حياتي معرفتش اي حاجه عن سبب عصبيته غير اما قربت من ال سن ال ٤٠ .
صدقيني كل حاجه بتعدي بيها دلوقتي لما يعدي بيكي الزمن شويه هتعرفي انها كانت سهله و تعدي

Banana_66147 🇪🇬 · Answer

استهدي بالله ومعتيش تشكلي معاهم بطريقه زي دي حرام

Potato_67324 🇪🇬 · Answer

و كمان ف حاجه انتي ليه اصلا توصلي لمرحله الخناق معاهم 
صدقيني والله العظيم ما فى اى شئ ف العالم بحاله هيساوي لحظه وجود ابوكي فيها حتي لو عصبي 
ما انتي بنته حبيبته هو يعني وحش اوي كده 
معيشكيش حاجه حلوه خالص ما ه. طلع عين امه سوري عشان يدخلك مدارس و اشتغل و اتمرمط عشان يتجوز ماما ما هو لازم يبقي عصبي اذا كان الدنيا مش مريحاكي انتي و انتي ف نص العشرين 
ما بالك هو

Mango_57877 🇪🇬 · Answer

والله انا بندم جدا بعدين بس مش عارفه انا واخده العصبيه منه اصلا والله مش مرتاحه اصلا من اللى انا بعمله خاصة مع والدتي بتوصل بينا الخناقه معاها لحاجه صعبه جدا بس بندم جدا بقول ياريت ربنا خلقني هاديه مش عارفه اتغير بس والله بحبهم جدا حتى لو اتخانقنا كتير بالعكس انا حابة نفسي كده خالص والله انا تعبانه جدا بسبب الموضوع ده انا اصلا نفسيتي تعبانه لوحدها  😭😭😭😭😭😭😭😭😭😭😭😭

Potato_67324 🇪🇬 · Answer

صدقيني والله العظيم جربي كده اما يكون متضايق خديه فحضنك او روحي احضنيه و قوليله اسفه حتي لو ف وجهه نظرك مش غلطانه انتي من جواكي حتي هتبقي مرتاحه و الله ابناس دي تعبوووو اوووووي اوي اوي ف حياتهم .
محتاجين بعد العمر دا كله شويه طبطبه و شويه تكبير دماغ و انك بس تكبري دماغك و متقفيش معاهم ع الواحده .
ربنا يطولك ف عمرهم 
و يحفظهم من كل شر .
و يرحم و الدي و يسكنه الجنه

Potato_67324 🇪🇬 · Answer

ممكن متزعليش و اما تصحي ابقي اكتبيلهم ورقه مع اي شيكولاته حتي لو بجنيه و حضن حنين هيحل كل حاجه

Mango_57877 🇪🇬 · Answer

عارفه انه حرام لكن هو بيتنا اصلا بتحصل خناقات كتير وصوت عالى وانا العصبيه دي واخدها وراثه وكارهه نفسي جدا خايفه من ندم بعدين يعني انا اصلا ندمانه دلوقتي 😭😭😭😭😭😭😭😭😭😭😭😭😭😭😭😭😭😭😭😭😭😭

Mango_57877 🇪🇬 · Answer

يارب اللهم امين والله احيانا بحاول لكن برضو شخصيتي بتغلب وانا والله انا برد على التعليقات وانا بعيط وانا بقالى كتير معيطتش لكن الموضوع ده بيتعبني جدا

Mango_57877 🇪🇬 · Answer

عارفه والله ومقدرة لكن مش عارفه لما بتعصب بكون كأني مش حاسه ولا هحس بندم بعدين 😭😭😭😭😭😭😭😭😭😭😭😭😭

Potato_67324 🇪🇬 · Answer

عيطى عل. فكره عمر ما العياط كان عيب او غلط ربنا مبيخلقش حاجه وحشه العياط بيريح جدااا .و متشيليش نفسك فوووق طاقتها والله ما حد ف العالم هيحبك قدهم مهما حصل . قومي صلي الفجر و اعملى دوشه فالبيت كده و انتي بتصلي خليهم يقومو يصلو و يعرفو انهم خلفو بنت زي العسل . ربنا يباركلك فيهم و يطول ف اعمارهم و حبي نفسك عشان خاطرك و خاطر نفسك❤️

Mango_57877 🇪🇬 · Answer

معندناش اني اعمل كده متعودناش على كده

Potato_67324 🇪🇬 · Answer

عادي افتكري بس و انتي بتتعصبي انهم الدنيا خنقاهم بس ف حاجات اكبر بكتيررر من الى خنقاكي خلى اوي طريق للخنقه الحضن .لان دا اكتر حضن حلال و هترتاحي فيه ف العالم بحاله كل ما تتخنقي و تحسي انك هتزعقي اجري ف حضنهم حتي لو بيزعقو والله هتلاقيهم هديو و بطلو كلام اصلا

Mango_57877 🇪🇬 · Answer

ممكن حضرتك تبعتلهم وتساعدهم عادي يمكن الدنيا ترجع احسن من الاول طالما ف ايدك حاحه وخلاص بعدت عنهم ساعدهم طالما رينا كرمك واشتغلت واهو بالمرة بعدت عم المشاكل لكن مهما كان امك وابوك

Potato_67324 🇪🇬 · Answer

عوديهم يا ستى و فيها اي يعني اما تعوديهم انتي ع حاجات حلوه تفرحهم من اجتهادك

Mango_57877 🇪🇬 · Answer

ياريت والله امي بعمل كده معاها عادي لكن بابا متعودناش على كده للاسف

Potato_67324 🇪🇬 · Answer

هو وقع من قعر القفه يعني هو لو جريتي لحضنه هيقتلك ما هو بيحس برضه و اب و عنده قلب و بيحبك و بيشقي عشانك و بيبقي نفسه فحضن و مش بيطلب  اديله انتي يمكن يهون عليه تعب ووجع الدنيا بالى بتعمله فيه طول العمر دا

Mango_57877 🇪🇬 · Answer

والله انا ما زي العسل ولا حاجه ولا عمري حبيت نفسي بسبب شخصيتي وحشه جدا وشكرا جدا على الكلام برضو ربنا يباركلك يارب ويسعدك ف حياتك أن شاء الله ❤️❤️❤️

Mango_57877 🇪🇬 · Answer

لا قصدي بيبقى فيه كسوف من ناحيتي وناحيته فمتعودناش على كده من اول ما اسفه يعني كبرت وبلغت وكده

Potato_67324 🇪🇬 · Answer

طب خلاص قومى برضه صلى الفجر واشكى لربنا و اذا كان ع الشخصيه الى مش حباها ف امرها سهل و هتتحل و تتحب مع  الوقت  انا بديكي نصايح و انا خلاص داخل ع ال ٤٠  لو كتت لقيت حد يقول الكلام دا ليا بدري كان حياتي اتغيرت حبي نفسك يا بنت الناس عشان مينفعش تكرهيها

Mango_57877 🇪🇬 · Answer

والدتي بعمل كده فعلا والطول بتأسفلها واقولها اني عمري ما استغنى عنها وفعلا متعلقه بيها جدا لكن والدي شويه بتكسف وهو برضو يتكسف يحضني

Potato_67324 🇪🇬 · Answer

انتي لو بقيتي ٩٠ سنه و هو ربنا مديله الصحه و موجود برضه روحي لحضنه و اشبعي من حنيته طووول ما انتي عايشه ❤️ 
الاب مش بيتعوض  ❤️
ربنا يحميكم لبعض و يبعد عنكم الشيطان

Potato_67324 🇪🇬 · Answer

no way to use this words . 
he still ur father even if u dont have any tooth in ur mouth and he is alive 
جربي تجري عليه و تحضنيه وهو راجع من شغله صدقيني بتفرق جررربي متقوليش بتكسف دا ابوكي

Mango_57877 🇪🇬 · Answer

ماشي هصلى وربنا يهديني بقا لنفسي

Potato_67324 🇪🇬 · Answer

اللهم امين

Mango_67487 🇪🇬 · Answer

لو حابه تحكي انا موجود life coach

Mango_57877 🇪🇬 · Answer

ايوا هما عشان مفيش غيرهم ممكن يستحملني خاصة والدتي بس فبيصعبوا عليا ازاي بيحبوني وانا بعمل فيهم لكن والله عصبيتي مش بقدر اتحكم فيها خاصة اصلا ان مفيش حد بيحب حد ف الزمن ده غير الاب والام عايزينك احسن منهم ومفيش حد حتى الأخوات عمرهم ما يتمنولك تبقى احسن منهم هيتمنولك الخير لكن تبقى احسن مستحيل