في واحد صاحبي اتعرفت عليه من سنين تقريبا شخص طيب جدا ع الفطرة زي ما بيقولوا متدين جدا لسانه مبينطقش لفظ واحد مش كويس ، مشكلته انه مش اجتماعي سايب الناس كلها و عاوز يصاحبني أنا بس و بيحاول يقرب مني طول الوقت بهدايا مصحف و سبح و قرأن و مصليات و يبعتلي أذكار و قراءن كل يوم و انا بحاول اعامله كويس مشكلته انه صريح جدا و اي حاجة غلط بيقولها الناس في وشهم حتى المديرين مش بيخاف منهم ، هو عاوز يصاحبني أنا بس و بيقولي انت اخويا و كلام من ده طول الوقت و يكلمني يدعيلي و هو بيحج في الكعبة و حاجات شبه كده المشكلة اني مش مطمنله و بقول أكيد مفيش حد طيب كده أكيد عاوز مني مصلحة او بيخطط لحاجة فبعدت عنه و تجاهلت إتصالاته و تليفوناته فترة فعاتبني كذا مرة على كده و للأسف الناس قعدت تقولي كده هو محسوب عليك و ملزق نفسه فيك كده ليه هو انت ابوه ولا أيه متخلهوش يقرب منك كده فللأسف بطلت ارد عليه و تجاهلته في الشغل كتير و كنت بضحك و بهزر و بخرج مع الناس كلها قدامه لحد في مرة لاقيته واقف بعيد و انا واقف مع الناس لاقيته بيدمع صعب عليا جدا و حسيت انه طيب فعلا و مش عاوز مني حاجة غير انه كان شايفني اخ ليه. و عرفت ان جاله ضيق تنفس اليوم ده و دخل المستشفى من الزعل ، الناس بتقولي هو اللي أفور و حساس بزيادة انت ملكش ذنب لكن برضوا حاسس اني جيت عليه شوية هو معملش ليا اي حاجة وحشة انا سمعت كلام الناس و خفت يتحسب عليا هو دلوقتي مش بيرد على اي مكالمة او رسالة ليا و بيتعامل مع الناس كلها طبيعي الا انا . هل انا كده ظلمته فعلا و لا هو اللي عنده مشاكل و هل فعلا في ناس كده طيبة في الحياة بتحب و تعز لله من غير مصالح و لا هو كان بيمثل بدليل انه قلب عليا فجأة

2

10