جماعه انا عارفه ان انا غلط في اللي هقوله ده بس انا محتاجه اتكلم ومش عايزه حد ينتقدني او يتعصب عليا عشان انا عارفه ان انا بعمله ده كان غلط هو اللي حصل ان انا من اعدادي وانا بكلم شباب كثير قوي ودخلت في علاقات كثيره جدا لحد دلوقتي وانا هو مخلصه جامعه من كل فتره لازم اكون في حد في حياتي حد ما بقيت احس ان انا ما عنديش مشاعر بسبب اللي كان بيحصل ساعتها وكل واحد يقعد معايا شويه وبعد كده يمشي لحد ما لقيت شخص كويس بس انا مش عارفه انا خايفه ان هو امشي زي الباقي خايفه ان ما يبقاش معايا انا خايفه يعرف حقيقتي ان انا كنت اعرف شباب كثير قبله بس انا اول ما عرفته بعدت عن كل حاجه غلط ما بقتش اكلم حد ما بقتش اعمل حاجه غلط وخصوصا التجاوزات اللي كانت بتحصل ما بقتش اعملها و توبت بجد وعدت نفسي ان انا مش هعمل حاجه غلط تاني بس انا خايفه انه يبقى زيهم وهو يطلب حاجه غلط ولما ياخد اللي هو عايزه يختفي زيهم انا مش معرفه الحاجات دي كلها في ناس قالوا لي صح ان انا بعمله ده انا ما اعرفوش اي حاجه من دي وان ربنا سترني بس في نفس الوقت حاسه ان انا بخدعه واضحك عليه مش عارفه اعمل ايه بجد انا بجد محتاجه نصيحه مش محتاجه حد يزعق لي او يقول لي ان انت بتعملي ده كان غلط انا عارفه انه غلط انا عايزه اعرف اعمل ايه مع الشخص اللي في حياتي دلوقتي

4

47