عندي رهبة من الجيل ده.. إزاي أختار البت المناسبة؟

Coffee_55660 🇪🇬's منشور

Coffee_55660 🇪🇬

منذ 19 ساعة

شعور محبط

انا مغني بس مش مشهور اوي وعشان في سن المراهقة اتعرفت علي بنات كتيرة وهما اللي كانو بيحبو يتعرفو عليا وقطعت علاقتي بيهم كلهم من زمان بسبب حواراتهم بس في الوقت الحالي حاسس اني بدخل في نوبات اكتئاب كتير بسبب اني محتاج اتجوز وكل اللي حواليا شايفين ان 23 سنة مستحيل افتح بيت بس مشكلتي مش هنا مشكلتي بسبب كل اللي شوفتو بقا عندي رهب من الجيل اللي انا فيه عايز بجد نصيحة تخليني اعرف ازاي اختار البت في المستقبل اللي تكون حاجة زي اهالينا زمان في الاحترام بس زينا ك شباب وتفكير

Banana_55575 🇪🇬

أفضل نصيحة

منذ 19 ساعة

شوف اللي عندك ده طبيعي بسبب العينة اللي انت عرفتها وحسيت ان الموضوع سهل بس الحقيقي ان فيه بنات محترمة زي ما فيه الحلو فيه الوحش دور حواليك كويس هتلاقي وربنا يصلح حالك ويرزقك بنت الحلال اللي تصونك 🤍

Marshmallow_54032 🇪🇬

منذ 19 ساعة

في حديث عن الرسول بيقولك ( تنكح المراءه لخمس مالها و جمالها و حسبها و نسبها فاظفر بذات الدين تربت يداك ) اي سؤال بتسأله عن ملذات الدنيا هتلاقي اجابته في الدين الاسلامي … باختصار المرأه الصالحة المرأه ذات دين و سنك مش صغير دين الاسلام بيحث على الجواز في الصغر.

Coffee_55660 🇪🇬

منذ 18 ساعة

انا الحمد لله مسلم بس اللي اقصدو صعب جدا ان كل دا يكون موجود دلوقتي غير ان سني مش صغير بس بتكلم علي نظرة اللي حواليا

Pistachio_55771 🇪🇬

منذ 13 ساعة

صدقني طلاما عندك النية الصالحة وبتسعى لكدا فهتلاقي بنت الحلال إللي تصلح إنها تكون زوجة ليك وشبهك وتكون على خلق ودين، وعادي انك تدور كتير وتفشل وعلى فكرة إنت لسا صغير فعلا بس لما تكبر هتفهم احنا بنقول كدا ليه، أنا ممكن أشوف حد سنة أصغر منك لكن أقول عليه كبير لأنة عدا على كذا مسؤلية ويقدر يتحمل ويفتح بيت ف إنت لازم تثبت ده باختصار شديد و وانت بتحاول تعمل كدا وتشتغل، اسعى وادخل البيت من بابة وشوف

التجربة أفضل عبر التطبيق

حمّل تطبيق توهيل على هاتفك لتجربة أسرع