مش عارفه اذاكر المواد اتراكمت في ثانويه عامه 😭

Q: مش عارف أذاكر ولا أركز في ٢ ثانوي!

انا في ٢ ثانوي معتش عارف ازاكر ولا اىكز واحيانا بزوغ من الحصص وفي الاخر بسال نفسي سؤال انت بتعمل كده ليه انت مكنتش كده ف ١ ملاقيش اي إجابه ولما بجي ازاكر بنسي ولعمل مشاكل كل يوم بما إن ده اول حاجه ابعتها مش عارف اني اتكلم عن دا صح ولا غلط بس انا مش عارف اي الي بيحصل

Q: خايفه من الامتحانات ومتوتره بعد خسارة المسابقة!

إنهارده كان في في مسابقه في الفصل واحنا الخسرنا بفرق بسيط بس بجد اثر فيا حسيت اني بضيع فاضل علي الامتحانات اقل من 40 يوم صحيح إن الاسئله كان مستواها اعلي من اي سؤال ممكن يجي في الامتحانات بس برضو عايزه اعيط لو اطول مدخلش الامتحانات مش هعمل بجد خايفه ومتوتره

Q: مش عارفه اذاكر بعد العمليه وعايزه اجيب مجموع عالي

الأول الف سلامة عليكى ياسُكر 🤍 وأتمنى إن صحتك دلوقتى بقت أحسن من الأول.. ده المهم قبل اى حاجة.. اما بالنسبة للى نفسك فيه علشان خاطر أهلك، ف عايز اقولك إن ربنا شايف نيتك، وطاعة الوالدين دى لوحدها فى حتة عظيمة جدًا عند ربنا ♥️♥️♥️ ف لازم تفتخرى بنفسك إنك بتفكرى بالطريقة دى. وعلشان بقى النية تطابق الفعل ف ده محتاج جهاد نفس لإن احيانًا بنحس بملل او إن مفيش شغف للمذاكرة أو مفيش حتى طاقة.

Question

جماعه أنا تالته ثانوي حرفيا مش عارفه اذاكر المواد اتراكمت مش قادره اذاكر مع ان دي مش الخطه الي حطيتها لثانويه عامه أنا حلمي كبير بجد وعاوزه اجيب مجموع عالي ونفسي أحقق حلمي بس بجد مش عارفه أبدا ازاي المواد اتراكمت موت حتي لما بذاكر مبعرفش احل الحل الي يرضيني ف لو حد عنده حل يا ريت بجد🙂
يا رب تدخلو الجنه وتجيبو عربيه ام اربعه مليون وانا معاكم😭😭

Lemon_25366 🇱🇧 · Accepted Answer

اول شيء بدك تحطي براسك هدفك وتلغي كل المشتتات الي تلهيكي عن الدرس وكمان تحطي حدا يشجعك على الدرس سواء صديقة امك اخوكي ابوكي اي حد المهم انك تصلي الفجر وتبلشي درس ولتسهيل الأمور صلي قيام الليل قولي( يا حي يا قيوم برحمتك أستغيث أصلح لي شأني كله ولا تكلني الى نفسي طرفة عين) وإن شاء الله الله بييسرلك امورك وكل شيء بينحل بأسرع وقت بتنجحي بأعلا معدل بمصر كلها 🌚🫶

Apple_27877 🇪🇬 · Answer

مبدأياً ماتستعجليش علي حاجه انت لسه في شهر ١١ ولسه قدام مثلا ٧ شهور .. اعملي جدول علي حسب دروسك ويومك .. خصصي كل اسبوع لماده معينه لمي فيها اللي ناقصك جزء جزء وواحده واحده .. لو تعرفي في اليوم تذاكري جزء من ماده الصبح وجزء من ماده تانيه بليل اعملي كده .. بس ماتقلقيش وماتوتريش نفسك انت لسه قدامك وقت عموماً ف ملهوش لازمه القلق والتوتر لانه بيشل البني ادم ..

Cheese_27887 🇪🇬 · Answer

تو دو ليست كبيرة و جدول متقسم لمدة اسبوع قدام و تلزم نفسك بتنفيذ الجدول ويكون في وقت تلم المتراكم و وقت تبشتغل فالجديد

Corn_27705 🇪🇬 · Answer

معاكي 3ث علمي رياضة
حاولي تخلي على الاقل 3 ايام  فاضيين تماما من الدروس ف الاسبوع بحيث تاخدي اليوم من اوله مذاكرة بجد و الموضوع ده مفيد أوي خصوصا لو نتي علمي عشان الوقت مش بيكفي دايما الفزيا عشان هي مادة صعرانه، و حاولي متقوميش من على المذاكرة خالص لحد م تخلصي الكمية اللي قررتي تذاكريها و حطي لنفسك كمية منطقية بالنسبة للوقت عشان تقدري تخلصي و تحسي ب انجاز ↓↓↓

Corn_27705 🇪🇬 · Answer

لكن لو نتي مشكلتك ف انك مش بتقدري تقعدي تذاكري و حاسه ان طاقتك خلصانه طول الوقت و مش قادرة ف لو لقيتي حل قوليلي عشان انا صاحيه من 9 الصبح و لسا مذاكرتش حرف والله العظيم🤡

Watermelon_27884 🇪🇬 · Answer

فعلا محتاجه اقسم ليل ادعيلي استمرّ عليه هو وصلاه الفجر مشكلتي بس اني بتضايق اني مش بذاكر بس مبذاكرش 🙂+اللهم امين انتِ سكره🥹

Watermelon_27884 🇪🇬 · Answer

أنا فعلا متوتره بس الموضوع صعب أنا فجاه لقيتني في آخر تالت شهر ثانويه عامه ومش دا الي كنت مختطاله حرفيا ف الموضوع مقلق🙂

Watermelon_27884 🇪🇬 · Answer

م المشكله اني مش بلتزم محتاجين حل🤡

Watermelon_27884 🇪🇬 · Answer

هي دي مشكلتي أصلا أنا مستوايا كويس احمد لله بس أنا الي مبذاكرش🙂🙂🤡

Lemon_25366 🇱🇧 · Answer

الله يثبتك وتكوني من الصالحات حتى انا مثلك لما كنت ادرس طيب دامك مزعوجة من هل الشي قومي عمليه هيك قولي لعقلك