جماعه انا كليتي بسافرلها ومن فتره كان عيد ميلاد صاحبتي البيست ف كانت لما بسافر باخد الفلوس اللي المفروض هاكل وافطر بيها احوشها علشان عيد ميلادها قرب ومكنش معايا فلوس ف فضلت احوشهم لحد ما بقا معايا مبلغ وادتهولها ف عيد ميلادها ومقولتش لأهلي ع الحوار ده وبابا مضايق وبيقولي أن هو انا طلعته مغفل وان هو مبعرفش عن حاجه

باباكي خايف عليكي و عنده حق هدية عيد الميلاد مش اهم من صحتك و المفروض صحبتك كمان تبقي شايفة كدة و انك لو كنتي جبتلها حاجة رمزية صغيرة كانت هتفرحها بردو و تقدر اللي انتي فيه و انك محتاجة لكل جنية و مع ذلك افتكرتيها .. هي دي الصحوبية اللي بجد صالحي باباكي و حاولي تلمي الدنيا عشان هو عنده حق انتي اتصرفتي بحسن نية بس هو هامه مصلحتك

اهلا يا جماعة دي اول مرة اكتب مشكلة عندي فمعلش لو هيبقا في اغلاط او الكلاب هيبقا ملخبط دلوقتيانا مرتبطة بواحد عيد ميلاده النهاردة اول ما عرغته كان وراني جواز سفره وكان مكتوب يوم الميلاد 10 ديسمبر وبعدين انا قلتله كل سنة وهو طيب يوم 10 فهو قالي انه يوم 9 والموضوع عدى عادي الكلام دا من 3 سنين وكل سنه انا بتلخبط انه يوم 9 ولا 10 فانا السنه دي قلت عشان ابطل لخبطة انا هحتفله باليومين وهبعتله ا حلوة كدا يوم 9 بس الساعة 12 الضهر وهكلمه وابعتله حجات حلوة ل حد يوم 10 الساعة 12 بردو بحيث يبقا كان اليومين بتوعه بس انا معرفتوش اني هعمل كدا وهو فاكرني ناسية واتصرف معايا بطريقة وحشه بسبب كدا رغم اني وضحتله وبعتله جزء من الححات الي جهزتهاله (احنا مش فنفس البلد) بس هو فاكرني بكذب عليه واني ناسية بغض النظر وانا كل ما احاول ادافع عن نفسي هو يكون فاكرني بهاجمه بس والله انا مش ناسياه ولا نسيت انا عندي خطة هعملهاله وهو فهمني غلط خالص اعمل ايه بجد انا بفكر انفصل عنه لانه دايما وجهة نظره فيا وحشة بس انا بحبه ومش عايزة اسيبه انا عايزة مشاكلنا تتحل بس مش عارفة ازاي انا تعبت اوي نفسي كل حاجة تتصلح انا مش عايزة حد غيره حد يقولي اتصرف ازاي

اللى ميقدرقيش ويحاول يفهمك ويلتمسلك اعذار كتير كتير اوووى بلاش منه احسن لان انتى اللى هتندمى فى الاخر

مش قادرة أتعامل مع حماتى فى عيد ميلاد جوزى وابنى

Q: زعلانة من صحبتي اللي مهنتنيش بعيد ميلادي

احنا صحاب مدرسه من واحنا صغيرين صحبتى السنه دى مهنتنيش بعيد ميلاد رغم أنها عارفه و شافت البوست و مقاليتش حاجه ولا اى كلام و بعدها ب اسبوع كنت بكلم واحده صحبتى تانيه من مدرسه برضو أصحاب شله يعنى ف بتقولى أنها صحبتى الاولى دى هتعزمنا ف رمضان ( هى كانت قايلالى يعنى نتجمع يوم عندها ف رمضان و كدا بس يعنى ) المهم و صحبتى التانيه كملت كلامها و بتقولى أنها هتعمل لينا مفاجأة يعنى و نحتفل فى بيتها بعيد ميلادى انا و هى و صاحبتى التانيه انا ف شهر 2 و هما ف النص التانى من شهر 3 تمام ف لما جت ساعة العزومه و بتقول نتجمع عندها مردتش عليهم ف صحبتى التانيه قولتلها تعرفها انى زعلانه عشان مهنتنيش بيوم ميلادى و كدا و اروح لها ازاى و انا زعلانه ف قولتلها تقولها انى بس زعلانه مش اكتر و مش هروح عشان كدا و انا ف الجروب قولتلها انى out و كدا مش هاجى يعنى و اتحججت بالشغل و كدا و عيد ميلادها جه دلوقتى و بعتلها كل سنه و هى طيبه فقط و مردتش عليا و لحد دلوقتى مفكرتش أنها تكلمنى تصالحنى او عشان مزعلش منها و كدا ف دا اى دا بقى رغم أنها عشرة عمر و الأقرب ليا

Apple_26594 🇪🇬's post

Apple_26594 🇪🇬

6 months ago

Feeling Stressed

عيد ميلاد جوزى وابنى فى نفس اليوم وانا حماتى مش بنكلم بعض وفى نفس البيت انا تربيتى متسمحش انى اعمل عيد ميلاد لجوزى واينى وهى متبقاش موجوده او تسمع وتزعل وكرمتى مش قادرة انى اتعامل معاها نهائى اتصرف ازاى صعبان عليا ازعل ابنى

You can’t see any advice on this post because the publisher chose to receive advice privately. If you’d like to share your advice, simply type it in the box below.

It’s better in the app

Download Toheal on your phone for faster experience.