يوم جديد... اللهم ابعد عن البشر

Q: مش تمام جوا.. تعبت من الوحده والمسؤليه

أنا مش عارف مالي بس أنا مش تمام بتعامل مع الناس بوش مبسوط و funny بس أنا من جوا مش تمام موجوع من مسؤلية كبيرة محطوطه عليا وتعبت من كوني لوحدي طول عمري صاحب الكل ومحدش صحبي أنا روحت الشغل النهارده بالمناسبه أنا ٢٥ سنه وبصمت حضور وروحت ف حته بعيده ف المبني اللي شغال فيه محدش بيروحها فضلت قاعد لوحدي من الساعه تسعه ل اربعه ومليش مزاج ارد ع حد ولا اتعامل او اشوف حد تعبت منهم من كوني مهتم بتكوين معارف معاهم وهما مش فارقلهم غير حوارات تخص ارتباط وبنات وبس حتي اللي سال عليا ورديت قولت اني مش كويس مش الرد التقليدي اني تمام وكده مهتمش يعرف ليه او فيه ايه أصلا

Q: أنا مش نفسي.. الحياة خدت مننا أجمل ما فينا

أنا ما بقيتش نفس الشخص بتاع زمان، ولا نفس الشخص اللي كان من سنتين تلاته ولا حتى نفس الشخص اللي من أسبوع حتى .. الواحد بيتغير بطريقة سريعة وغريبة جدًا .. المواقف بتغير، الهموم بتغير، الوجع بيغير، فعشان كدا مُستحيل تلاقي شخص لسه زي ما هو بنفس روحه بتاعت زمان .. حرفيًا الحياة خدت مننا أجمل ما فينا وبقينا عايشين بشوية بقايا.

Q: مضايقني جامد ومش عارف انام - محتاج حد أفَضْفِض معاه

في موضوع مضايقني جامد قعدت اتكلم مع chat gpt نصحني اني افضفض لحد وفي نفس الوقت مينفعش اتكلم في الموضوع ده مع حد يعرفني فانا محتاج حد افضفض معاه ويسمعني حب يقول رأيه تمام محبش مفيش مشكلة كدا كدا عايز احكي اهو الموضوع ده مخليني لحد دلوقتي مش عارف انام وعندي كلية كمان ساعة ونص ومش هروح واسف لو طولت