يوميات بوردرلاين في حاجات حصلتلي… مش بلقي ليها تفسير. مواقف غريبة، بتخليني مش عارفة أنا فـ دنيا حقيقية ولا جوا دماغي. زي مثلًا: إن فجأة أحس إن في "خيال" ماشي قدامي… مفيش حد، بس أنا حاسة إن في كيان بيتحرك، وكل حواسي بتصدق ده، حتى لو مفيش دليل. أوقات بحس إني مراقبة… بشكل خانق، حتى وأنا لوحدي في أوضتي، وكأن في عينين مش شايفها… بس بتطاردني. وساعات… بسمع حد بينده اسمي. بوضوح. أبص حواليّ… مفيش ولا صوت. ولا نفس. بس اسمي لسه بيرن في ودني. أما البانيك أتاك… بتبدأ بهزّة خفيفة، ضربات قلبي بتجري، وبعدها تنهار الدنيا: عياط هستيري، رعشة، صريخ… ومعظم الوقت مش بعرف أفسّر هو إيه السبب أصلًا. بس الألم حقيقي. الحاجات دي مش مجرد أوهام… دي أعراض، جزء من اللي بيحصل جوا عقل شخص بوردرلاين. لو أنت/ي بوردرلاين، هل مرّ عليك أعراض غريبة زي دي؟ أو حاجات محدش بيصدقها لما بتحكيها؟

5

11