يارب خلاص تعبت من العيشة دي والله

Q: مش تمام جوا.. تعبت من الوحده والمسؤليه

أنا مش عارف مالي بس أنا مش تمام بتعامل مع الناس بوش مبسوط و funny بس أنا من جوا مش تمام موجوع من مسؤلية كبيرة محطوطه عليا وتعبت من كوني لوحدي طول عمري صاحب الكل ومحدش صحبي أنا روحت الشغل النهارده بالمناسبه أنا ٢٥ سنه وبصمت حضور وروحت ف حته بعيده ف المبني اللي شغال فيه محدش بيروحها فضلت قاعد لوحدي من الساعه تسعه ل اربعه ومليش مزاج ارد ع حد ولا اتعامل او اشوف حد تعبت منهم من كوني مهتم بتكوين معارف معاهم وهما مش فارقلهم غير حوارات تخص ارتباط وبنات وبس حتي اللي سال عليا ورديت قولت اني مش كويس مش الرد التقليدي اني تمام وكده مهتمش يعرف ليه او فيه ايه أصلا

Q: علاقتي بابويا باردة ومش بنكلم كتير

للأسف علاقتي أنا وابويا باردة اوي شبه مش بنتكلم مع بعض كل واحد فينا في اتجاه دايما الكلام بينا بين حل مشكلة او نقد او تبرير اغلب الوقت ومش هكون ظالم في لحظات حلوة بس من كتر ما اللحظات الوحشة كانت كتير وكان وجعها اكبر غطت علي الحلو ودا مدايقني نفسيا ونفسي الاقي حل ؟؟

Q: مش عارفه حالتي دي طبيعيه ولا لأ؟

كلام كتير مش قادره اوصف بيه حالتي دي طبيعيه ولا لأ بس لو حد تصرفاته زمان ممكن تخليني بالايام زعلانه دلوقتي تقريبا مبكملش كام ساعه وعادي حتى الوجع اللي كنت بحسه قبل كده مش موجوده غير نطفه منه ف هل دا بقا من تكرار المواقف ولا انه خلاص مبقاش في امل في الشخص دا ؟ . وبعيدا عن دا مواقف معينه المفروض كنت ممكن احط فيها رده فعل تانيه او حتى العياط كوسيله انه اخفف عن نفسي كان ممكن يحصل زمان دلوقتي بقيت بستقبل الصدمه و انا ساكته واتعامل كأن مفيش حاجه بس ببقى جوايا ضغط وقلبي مقبوض وشعور مش حلو خالص واحيانا ممكن اعيط لوحدي لكن طول ما في حد موجود فانا زي ما بيقولوا مفيش دم ولا احساس . ببقى كاتمه دا جوايا لحد ما تعدي ساعات من التفكير او ممكن العياط ولو مثلا بتكلم مع حد شات بتلاقيني بتكلم و كأنه عادي بحتى مش بياخدو بالهم الا نادرا. بس فعليا هو جوايا مش عادي