يأس بعد أول تدريب في مجالي.. ظروف منعتني من الخبرة

Question

امبارح نزلت تدريب ف مجالى بعد تخرج اربع سنين جامعه  ..وانا راجعه اخر اليوم حسيت بيأس شديد انى خبرتى قليله وتكاد تكون منعدمه وسط ناس واخدين خطوات وشاطرين. ..ناس اصغر منى بسنين بس اعلى منى خبره وتعليم وتعامل وذكاء ...ده غير المواقف الل اتعرضتلها وانا بقول لنفسى ليه الحظ مش محالفنى ولو مره ..ليه ظروفى وبيئتى اثروا فيا بالشكل ده ...انا علوم صحيه قسم اشعه منزلتش ولا مره تدريب طول الاربع سنين بسبب  ظروف ومشاكل يعلم ربنا بيها..نزلت امبارح المستشفى وانا كلى امل وطاقه ..لقيت الل بيعاملنى وحش والل بيسخر منى والل نظرته ليا كأنو بيقولى انتى مش هتنفعى  ...مع انى جايبه امتيازات وتقديران كويسه ...بس الوضع العملى غير ..حاسه بيأس ومش قادره اكمل وبقيت خايفه ومرعوبه  م الخطوات الجايه..تفكير وجلد ذات رهيييب وبقيت عصبيه جدا ..ندمانه ع حاجات كتير كانت المفروض اعملها بس الظروف كانت منعانى  ..انا مكسوفه م نفسى قوى💔

Avocado_68584 🇸🇦 · Answer

كنت زيك ودلوقتي مدير تسويق في السعودية 
انتي عايزة رود ماب مش اكتر

Carrot_70235 🇪🇬 · Answer

بقولك ايه محدش اتولد شاطر والبيقولك مش هتنفعي حاجه من التلاته يا ناقص وبيطلع نقصه عليكي يا مغرور يا خايف منك بسبب تقديراتك راقبي كويس ركزي انك تتعلمي ومتتخنقيش من الغلطه بس خليها آخر غلطه وحطيها في دماغك دايما وانتي بتشتغلي ان كل واحده ليه مره اولي متسمحيش يبقا في تانيه

Grape_21235 🇪🇬 · Answer

ماشاءالله ربنا يزيدك

Biscuit_17258 🇪🇬 · Answer

ازاي طيب والإنسان تايه مش عارف يحدد وجهه معينه ويكمل فيها عشان يحس انه بيعمل حاجة الشعور الغالب حاليا التوهان مش عارف مش فاهم مش حاسس أنا تايه

Broccoli_70761 🇪🇬 · Answer

انا خريج هندسه مدني وعمري مانزلت تدريب اثناء الكليه اول مره كنت انزل مشروع كان نفس احساسك والصنايعية كانوا بيتريقوا عليا والمهندسين حاليا مدير مشاريع  وكنت حاسس بالفشل ساعتها  هتلاقي ناس تساعدك وناس ضدك وهتتعلمي وتقعي وتقومي

Cheese_59933 🇪🇬 · Answer

الموضوع كله 
اسعي وحطي مجهود والتزام في التخصص بتاعك وهتوصلي للي بتحلمي بيه 
كل اللي وصل لمكانه كويسه 
حط مجهود 
ولسه في فرص انك تتطوري

Potato_66678 🇪🇬 · Answer

ما نبص لبكره ونحاول بدل ما نضيع وقت اكتر