وسواس الصلاة خلاّني أكرهها ومش عارفة أعمل إيه

Question

جماعة انا اشتكيت من موضوع وسواس الصلاة دا كتير وناس عطتني حلول وجربتها مش في حاجة بتنفع ووصلت معايا لدرجة اني كرهت الصلاة اوي واي حاجة متعلقة بيها سواء أذان وضوء وخايفة في يوم اسيبها بس بجد الصلاة هم كبير اوي اوي بجد انا مش عارفة اعمل ايه والله خايفه يجي يوم وابطل اصلي وكنت كل ما اعيد صلاة احيانا بحس اني بنهار والدموع بتتجمع في عينيا وكنت ببقي هعيط لاني بحس بضغط نفسي وجسدي وكره تجاه الحاجة اللي المفروض تريحني واحبها

Coffee_73142 🇪🇬 · Accepted Answer

متستسلميش للشيطان
الرسول صلي الله عليه وسلم قالنا ان الوساوس من الايمان
والشيطان مش بيروح غير للناس اللي عارفة قيمة الصلاة وعاطيالها حقها
ومتكونيش قاسية علي نفسك
ربنا غفور رحيم
طالما حاولتي تتوضي وضوء صحيح
وتصلي صلاة صحيحة
ان شاء الله ليكي الاجر حتي لو اخطأتي
متخليش الشيطان يلعب بدماغك

Banana_63629 🇪🇬 · Answer

التفكير في معني الكلام و تحديث بشكل مستمر مع استمرار القرائة يحققلك الخشوع بدل الوسوسة

Almond_56393 🇪🇬 · Answer

علاج الوسواس تجاهله
لو بتشك في عدد الركعات تجاهل الشك وابني ع احساسك ،
الشيطان بيوسوسلك بأفكار في الصلاة
اتفل ٣ مرات وقول أعوذ بالله من الشيطان الرجيم ، وقول جواك ان الاستعاذة دي هتطرد الشيطان عافية ، عشان النبي قال كده
ولو الوسواس جالك برا الصلاة استعيذ او قول آمنت بالله ورسله
وكلم شيطانك كأنك بتكلم حد قدامك واشتمه واتحداه وقوله مش هبطل صلاة ياعم فكك مني
خش النار انت لوحدك
إستعن بالله ولا تعجز..

Strawberry_78143 🇪🇬 · Answer

دينا يسر مش عسر خالص سمعت فيديو للشيخ الشعراوي بيقول لو الواحد اثناء الصلاه حس انه تاه استعيذي من الشيطان اثناء الصلاه وكملي عادي وحاولي متستسلميش للشيطان احنابنعمل اللي علينا والشيطان مهمته يحسسنا اننا مقصرين

Mango_74700 🇪🇬 · Answer

والله واحد كان لسا بيقلي كدا بعد صلاة المغرب النهاردة