وجع قلبي في الأزهر ومش عارفة الحل

Question

يجماعه انا قلبي وجعني وحاسه ان انا بنهار دلوقتي انا في ازهر ودخلت كليه وربنا موفقنيش في قسم سنتين مع انا والله في السنه التانيه ذاكرت بس شيلت تلت مواد وعندنا اللي يشيل بيعيد ولو عاد سنه مينفعش يعيد تاني انا كان مجموعي وحش في ثانوي كنت جايبه 65 في الميه ادبي انا تايهه ومش عارفه اي الحل انا عاوزه اكمل تعليم عاوزه ادخل كليه بس نظام الازهر وحش وصعب اوي قولولي حل بالله هموت

Blueberry_27796 🇪🇬 · Answer

في حاجات بنكون عيزنها بس هي مش لينا مش مكتوبلنا ربنا كتبلنا طريق تاني احسن بكتير ممكن ده ميكونش مكانك ده عقبه او درس في حياتك متزعليش نفسك اعملي الي عليكي وشدي حيلك وربنا هيعوضك خير ان شاء الله

Strawberry_67225 🇪🇬 · Answer

عارفه والله عارفه بس الفكره وحشه اوي يعني انا فاشله؟ طب اهلي ذنبهم اي وانا ذنبي اي

Blueberry_27796 🇪🇬 · Answer

الفشل هو انك تقولي علي نفسك فاشله طول ما فيكي النفس لسه بتتعلمي لسه في فرصه انك تتقدمي اكتر انا بكلمك عن خبره انا دخلت صنايع بسبب ظروف في العيله والكل اتريق عليا كنت اول واحد في العيله صنايع تعبت وزاكرت جامد لحد ما جبت مجموع كويس يدخلني هندسه اخدت اول سنه وبسبب تعب والد شيلتها الكل قال عليا فاشل ومستحقهاش عيدت السنه وفضلت وراها لحد ما عديت اول سنيتن وانا داخل علي سنه 3 اهو اوعي تخلي حد يشكك فيكي

Blueberry_27796 🇪🇬 · Answer

انت تقدري تبقي احسن ثقي في نفسك اكتر من كده شويه ومتخليش اي حاجه مهما كانت ايه تدمر ثقتك في نفسك

Popcorn_59602 🇪🇬 · Answer

نفس الي حصل معايا وحولت معهد خدمه اجتماعيه في مدينه نصر

Strawberry_67225 🇪🇬 · Answer

مفيش حل غير جامعات الاهليه ومصاريفها عاليه اوي

Strawberry_67225 🇪🇬 · Answer

المشكله مش لاقيه حل قدامي غير احول من القسم انا معنتش عاوزه اكمل في ازهر مفيهوش اي رحمه ولو حولت مش هيجيلي كليات مش عارفه ضايعه بجد

Popcorn_59602 🇪🇬 · Answer

المعهد الي كنت فيه كان ب 6000 
وكنت جايب 57 في الميه دخلت درسات اسلاميه وعربيه وسقط سنتين واتمعلي استنفاز لاصول دين. وسقت وحولت بعد كدا للخدمه اجتماعيه

Strawberry_67225 🇪🇬 · Answer

مفيش حل غير خدمه اجتماعيه مفيش مجالات تانيه

Popcorn_59602 🇪🇬 · Answer

المجموع بيتعملو معدله من الازهر للعام فا بالتالي بيقل اوي فا هيحكمك

Ice Cream_72283 🇪🇬 · Answer

مش بحب بتوع الازهر مش عارف ليه

Strawberry_67225 🇪🇬 · Answer

الازهر لوحده حلو ومن زمان اوي كفايه ان احنا نعرف دينا وقران من واحنا في اولي ابتدائي بس اللي بيحصل فيه والناس اللي بقت فيه والنظام اللي بيضيع مستقبلنا ده وحش اوي

Strawberry_67225 🇪🇬 · Answer

انت رأيك اي  بالنسبه انك كنت زي ازهر والنظام ضيع منك سنتين بردوا اي الصح اللي اعمله دلوقتي

Popcorn_59602 🇪🇬 · Answer

قدامك حل من 2 يا تكملي وتضيعي ال4 سنين وبعظين تخشي الجامعه المفتوحه والحل دا معرفتش اعملو علشان الجيش 
بس هتتاخر كتير وحرام 8 سنين في العلام 
ياما كفايه خساره لحد كدا وخش المعهد بتاع الخدمه الاجتماعيه وشهاده عاليه وهتستفيدي كتير جدا منو

Strawberry_67225 🇪🇬 · Answer

اي اللي ممكن استفادوا من خدمه اجتماعيه؟

Popcorn_59602 🇪🇬 · Answer

في الاول انا كنت مستهيف الموضع زيك وبالذات ان العلم في الازهر كان كبير اوي وكنت شايف ان هي جامعه ملهاش لازمه بس بجد هتنزلي تديرب وتلاقي فيها مجلات كتيره وجامعه حلوه وهتستفادي الحوار كبير ولو كملتي في الدرسات العاليا مستقبلها واسع بالذات الايام دي

Strawberry_67225 🇪🇬 · Answer

هشوفها بردوا  وربنا يسهل الدنيا شكرا لحضرتك تعبتك معايا

Popcorn_59602 🇪🇬 · Answer

ولا يهمك  الي انت عايزو