فاكر اول يوم بعد ما راحت كنت حاسس اني في حلم غريب كل حاجه حواليا كانت عاديه بس انا لا.. كنت تايه حرفيا ومش عارف اتعامل مع غيابها.. ازاي كنت بدور عليها في كل تفصيله في صوتي وانا بتكلم في الاكل في ريحة البيت في كل حاجه كانت بسيطه بس ليها معاها طعم تاني..💔 دلوقتي كل حاجه بقت باهته مهما حاولت اضحك او اتظاهر اني بخير في دايما وجع كده جوه صدري مش راضي يهدى💔 لما بشوف حد من صحابي امه بتسأله كل شويه كلت ولا لا خدت بالك من نفسك بحس بوخزه كأن حد شد نفسي وانا ساكت ومبتسم بس جوايا صوت بيقول يا ريت كانت لسه هنا يا ريت كنت اقدر احكيلها عن كل حاجه وحشه وعدت.. كنت بفتكر انها دايما كانت حضن الامان اللي بيطمنني من غير ما اتكلم💔 غيابها وجع ما يتوصفش مش بس عشان هي امي لا عشان هي كانت كل التفاصيل اللي مخلاني انسان واللي من غيرها الدنيا فقدت معناها😔 بحاول اتأقلم بس الحقيقه اني لسه كل يوم بحس اني لسه في اول يوم من بعد ما راحت 💔😔

0

0