واحشني اوي مش قادره انساه وقلبي موجوع

Question

واحشني اوي مش قادره انساه للدرجة دي انا رخيصة عنده و هنت عليه، دموعي مش بتنشف قلبي موجوع اوي انا بحبه اوي هموت من غيره مش قادره اكلمه لأنو مش عاوزني عارفة زهق مني بس انا مزهقتش كُل يوم حبه بيزيد فـِ قلبي كُنا حلوين اوي مع بعض ليه عمل كده فيا؟ عشان بحبه يكسرني عشان كنت بتساهل معاه على حساب كرامتي؟ كنت بعمل كده لأني بحبه ازاي يكسرني اوي كده

Popcorn_78015 🇪🇬 · Accepted Answer

انا لما بعدتها عني بعدتها عشان بقيت حاسس اني بأذي نفسي وحياتي بتدمر قدامي وانها هتتأذي اكتر لو هى جنبي لاسباب زي اني بحبها وبفرح بيها جدا بس جوايا وجع مغطي على احساس الحب ده قاتلني انا عايش ميت.

Candle_83266 🇪🇬 · Answer

لازم يتنسي بكل الطرق مافيش حل تاني وماتجيش علي كرامتك اكتر من كدا هتتعبي في الاول بس بعد كدا هتنسيه وترجعي لنفسك تاني حطي كرامتك فوق كل شي

Chilli_69971 🇪🇬 · Answer

استهدي بالله واتنفسي كويس بس وهدي اعصابك، لان الانفعال لا هيريحك ولا هيجاوب اسالتك، قولي يا رب عفوك ورضاك واستعيذي بالله من الشيطان الرچيم، اتنفسي كويس بس دقيقتين مش اكتر، واستوعبي ان كلنا بنغلط وبنختار غلط وبنكون شايفين الحقيقة بس بنختار اننا نتجاهلها، كلنااا بنعمل كده ونا اولكم، هو مين بيعيش حياته ماشي يعمل كل الصح ونينجا في نفسه مش بيغلط؟مفيش؟ صح؟ والغلط اللي بيوجعنا ده ربنا كتبه علينا لسبب

Chilli_69971 🇪🇬 · Answer

اننا بشر بنعاند وبنتكبر على نفسنا والانسان اصلا بيحب يقاوح، ربنا عرض الامانة على السموات والارض والجبال فرفضوا يتلقوا الامانة ويشيلوا المسئولية وخافوا منها رغم قوتهم عننا، فقال ربنا( وحملها الانسان انه كان ظلوما جهولا) طيب ازاي هيتعلم الانسان المقاوح ده الا لما ياخد درس قوي يدفع فيه الم؟ الوجع رغم صعوبته بيعلمنا،ولما نتعلم هنبقى احسن وخبرتنا اعلى في الحياة ونعرف المفيد والحق، صحيح الوجع في الفترة

Chilli_69971 🇪🇬 · Answer

دي صعب ومتعب واحساس الفقد وتخلي اللي اتعشمت فيه عنك اصعب من وجع الجسم او الجرح في عملية، بس دي مرحلة تقوية لنفسك وشخصك،هتخليكي في المستقبل نسخة افضل من نسختك الحالية، والالم ده هيخليكي تعرفي اللي بجد متمسك بيكي وانسان وبيخاف ربنا فيكي، لما تفتكري التجربة دي والوجع بتاعها،، لان من غير تجربة زي زي دي مكونتيش هتتعلمي، لما بتروحي الچيم هي عضلاتك وجسمي بيتطور من غير تعب ووجع؟ طبعا لاء...الوجع جزء مهم

Chilli_69971 🇪🇬 · Answer

من التطور والتحسن والوصول للافضل،الدنيا مليانة ناس كده نرجسيين انانيين بلا قلب وبلا مشاعر وتعاطف ومتلاعبين وسامين ومستغلين، ف التجربة دي خير ليكي،والله ربنا بيحبك علشان كده جابلك الوجع بدري عشان تفوقي بدري، وتنقذي نفسك بدري.خدي راحتك في البكاء او الشعور بالصدمة بس مش تاثر فيكي ف تاذي نفسك والشيطان يستغل ضعفك ويسوقك،عيشي حزنك بس قولي يا رب وادعيه وقولي حسبي الله فيمن ظلمني وآذاني والله نعم الوكيل🤍

Apple_83312 🇪🇬 · Answer

هتقدري تنسيه مع الوقت 
باين ان دا صعب عليكي دلوقتي بس حاولي و هتقدري 
اللي بيحب حد مش بيأذيه كدا و لا بيخلي تفكيروا يوصل هو انا رخيص عندوا و لا لاء دايما بيحسسوا انه غالي 
طبيعي يكون في مشاكل بس تكوني مطمنه بردو ان اكيد هتتحل 
و زي ما قولتي شايفه انه مش عايزك يبقى خلاص 
متجيش على نفسك اكتر من كدا 
ركزي على حياتك و طوري من نفسك و خليكي وسط ناس بتكوني حابه تقعدي معاهم من اهل او صحاب دا اكيد هيساعدك

Apple_83312 🇪🇬 · Answer

و عبري عن كل احساس بتحسي بيه حتى لو لنفسك و طبيعي شويه هتحسي انه وحشك و شويه انك بتكرهيه و شويه مش عاوزه ترجعوا تتكلموا تاني خالص و شويه عاوزه ترجعوا و كل حاجه تتصلح كل دي مشاعر طبيعه للتعافي من حب مؤذي او تعلق بحد 
ربنا يربط على قلبك و يقدملك الخير💙