انا الحمدلله بنت علي قدر كويس من الدين و ديما علي قد ما اقدر بحاول اكون قريبة من ربنا و طبعا بعمل ذنوب بس ديما برجع لربنا تاني و حلمي ديما ان الشخص اللي هيدخل حياتي يكون متدين و يعرف ربنا اكتر منى كمان علشان يشدني لطريق ربنا ديما و نتعاون انا و هو علي العبادة ، ادلوقتي من كام يوم كان في تلميحات من واحدة صاحبة ماما انها عايزة تخطبني لإبنها ، ابنها دة انا اعرفه من و احنا صغيرين كان معايا في المدرسة بس طبعا لما كبرنا مبقتش اعرف عنه حاجة خالص و لا حتى بشوفه بس ماما و مامته فضلوا صحاب ، فا انا من باب الفضول قولت ادخل على صفحته علي انستجرام اشوف اهتماماته و اعرف اكتر عنه يعني ، لقيته عامل فولو لصفح بنات أجانب مش كويسة و بينزل فيها صور مش كويسة خالص فا اتقفلت منه جامد بصراحة بس مش عارفة كدة لو اتقدم فعلا يبقي عندي حق ان أرفض لأنه كدة ممكن يكون أخلاقه مش كويسة و بتاع و بنات و مش علي قدر كويس من الدين و لا دي حاجة عند كل الشباب و ملهاش دعوة بالاخلاق و الدين ؟

4

4