هل كل الرجاله unvirgin؟ ولا في رجاله طبيعيه وعذراء؟

Question

انا هسأل سؤال غريب 
هي الرجاله كلها unvirgin ؟ يعني دي حاجه طبيعيه لازم اقبلها؟ ولا فيه رجاله طبيعيه و virgin عادي؟ 
انا مش بعمم بس قصدي على فئه معينه راجل متفتح و مثقف و فاهم الدنيا و متوسط التدين بس معملش علاقات قبل كده و حتى لما فرص بتجيله بيرفضها 
علشان معظم اللي اعرفهم حتى لو معرفه من بعيد لازم يبقى كده لدرجه اني بقيت حاسه ان ده العادي مع اني مش قادره اقبله و خايفه اتجوز حد يطلع عمل علاقات قبلي و افضل افكر هل مبسوط معايا ولا لا 
اتقبل الامر الواقع لأن ده كده كده موجود ولا ارفضه و هيبقى فيه فعلا حد تاني بس معملش كده

Avocado_63956 🇪🇬 · Accepted Answer

لا مش طبيعي أن كل واحد يكون عمل علاقة قبلك اختاري من ترضين دينه و خلقه وصلي استخارة و أن شاءالله يكون حد محترم و معملش علاقات قبلك و تأكدي أن لو انتي محافظة على نفسك ومكنش ليكي اي ارتباطات أو ماضي ايا كان نوعه ربنا هيرزقك بحد يطابق ماضيكي ويتقي الله فيكي وربنا يوفقك ويرزقك بالزوج الصالح أن شاءالله و خليكي فاكرة الطيبون الطيبات

Apple_65355 🇪🇬 · Answer

انا راجل اهو وعندي ٣٠ سنه عمري ما عملت علاقه مع بنت ولا لمست بنت اصلا حتي سلام بالايد ده عمره ما حصل ولا هيحصل لاني مقبلش بكده .. الحلال اجمل بكتير من الحرام .. طب هل انا مش بفكر ف علاقه لا بفكر بس بقول الحلال اجمل بكتير من الحرام .. طب ببعد نفسي ازاي .. ممكن باني بعمل العاده السريه بس وده علشان مروحش لعلاقه حرام .. ذنب اهون من ذنب او كبيره مش ذنب لان الزنا من الكبائر .. ربنا يحفظنا جميعا ..

Apple_65355 🇪🇬 · Answer

طب بكلم بنات ع نت مش هكدب واقولك لا .. بحاول اتعرف ف الحقيقه علي بنت برضوا مش هكدب واقولك لا .. بس الهدف الاساسي اني اتقدم واخطبها مش تسليه وتضيع وقت .. كل العايز اوصلهولك في رجاله زيي لسه ف الزمن ده وبس للاسف قليلين ويمكن في احسن مني كمان.. بس في ناس كويسه زي ما في ناس مش كويسه الايام دي

Apple_65355 🇪🇬 · Answer

وزي ما الرسول عليه الصلاة والسلام بيقول اذا جائكم من ترضون دينه وخلقه فزوجوه .. مفيش حد معصوم من الخطاء والذنب والمعصيه بس بدرجات متفاوته وذنب عن ذنب يفرق بس الفكره هل تاب ورجع لربنا حتي بعد الذنب او المعصيه او الكبيره دي ولا حابب يكمل وعاجبه الوضع

Pumpkin_62124 🇪🇬 · Answer

اكيد دي حاجه مش طبيعيه في الاول والاخر المفروض أنه مسلم يعني عارف دينه وعارف أن الزنا حرام قطعا ولو مش عارف دينه يبقا هو عايش ليه اصلا عشان يلبي رغباته وينسي ربنا والحلال والحرام طيب طالما هو نسي ربه اللي خلقه هيبقا فاكرك انتي اذا كان هو عصي ربنا وجري ورا شهواته انتي هتمنعيه او هيفكر في احساسك لكن بالنسبه أن في رجاله معملتش اي علاقه قبل الزواج ف اه في وكتير ومش شرط توافقي علي اي شخص من المحيط دا

Carrot_67399 🇪🇬 · Answer

بصي في رجالة لحد دلوقتي unvrgin لان مستني يحس المتعة الحقيقة مع اللي اختارها قلبها وعقله احلي بكتير من اي حاجة وun virgin ليها طوابق يعني علاقته اللي قبل كدا وصلت لاي مدي يعني العلاقة بينهم كانت كاملة ولا ناقصة

Chocolate_64366 🇪🇬 · Answer

unvirgin بتتقال على العلاقه الكامله

Chocolate_64366 🇪🇬 · Answer

بس هل ده علشان مجتلكش فرصه ولا علشان فعلا مش عايز تغضب ربنا؟ زمان حد قالي فيه فرق بين الغلبان و الطيب، الطيب ده هو اختار يبقى طيب بس الغلبان مكنش عنده فرصه انه يبقى وحش

Chocolate_64366 🇪🇬 · Answer

بس لو فعلا ده كان قرار منك ف كقيقي ربنا يثبتك و يبعد عنك العاده لأنها بتدمر العلاقه

Chocolate_64366 🇪🇬 · Answer

المحيط ده حواليا في كل حته للأسف مش سهل اني ادور على حد براه و يبقى شبهي و نفس المستوى و التفكير و كل حاجه

Apple_65355 🇪🇬 · Answer

ده فعلا قرار وانا قدامي بدل الفرصه عشره وبفلوس وبقول لا كفايه اعمل العاده مع ان قادر ادفع فلوس واروح اعمل علاقه كامله متعتها احلي واكتر من العاده وهتخليني اصلا معملش العاده بس الفكره ان كل ما احتاج هروح اعمل علاقه فبدل ما هتبقي مره وكبيره وحده لا شوفي بقي كام مره .. فبفضل اني اعمل العاده عن ما اروح اعمل علاقه .. وغير ذنبها .. وارد يجيلي مرض منها لان الهعمل معاها في الف غيري عمل معاها

Carrot_67399 🇪🇬 · Answer

بصي في رجالة كتير معملوش علاقات كاملة

Avocado_63956 🇪🇬 · Answer

لو تقصدي أن انتي في محيط اللي هوا لارج وكل حاجة مباحة فا خدي حد من برا المحيط لو ده محيط سكنك مثلا في التجمع الخامس لا خدي من زمايلك في الشغل بلاش بتوع النادي ولو تعرفي تنزلي تصلي في مسجد ابو بكر الصديق في شيراتون هتقابلي ناس عمرك ما شوفتيهم قبل كدا ولا كنتي تتخيلي أنك تقابليهم في الدنيا

Avocado_67439 🇪🇬 · Answer

لازم تكوني واثقة ومتأكدة ان انتي مفيش منك اتنين انتي واحدة بس وطول ماانتي حقيقية ومختارة انك تسعدى الشخص مش هتفرق هو عندة ماضي ولالا الراجل قلبة كبير 🤣 ونصيحة بلاش السيناريوت والتفكبير السلبي بجد يعني لية متخيلتيش ان اتجوزتي حد بيحبك ومش شايف غيرك لية التفكير في المشكلة  قبل ما تكون تفالي وبلاش توقعات  ومخاوف تخليكي  فعلا يفكر في غيرك

Chocolate_64366 🇪🇬 · Answer

لا هو انا متوقعتش ولا بدور على المشكله علشان دي مش انا ، انا اصلا بتكلم في واقع قابلته و كتير مش مره ولا مرتين و مفيش حاجه اسمها الراجل قلبه كبير و الكلام الفكسان ده،ده كلها مبررات فارغه بيبرر بيها الذكر افعاله بخجل اني اقول عليه راجل حقيقي و بعدين كل ده ملهوش علاقه ب سؤالي انت بتلزق المشكله فيا و ده المضحك الصراحه

Onion_64725 🇪🇬 · Answer

لا ف كتير محدش قرب لواحده ومش طبيعي انه يقرب اصلا

Orange_67483 🇪🇬 · Answer

لا عادي جدا وكثير كمان التوكل على الله واخلاص النيه والاعتماد على اختيار الصفات الافضل زي الدين والخلق والرجوله هيكونوا افضل في اختيارك