هل أنا غلطانة لأني مش بحب اللي بيحبني؟

Question

لو في ولد بيحبني بس انا مش بحبه وحاولت اني احبه بجد بس معرفتش حاسة انه مش شبهي خالص ولا مواصفات الرجل اللي انا عايزاه وهو حاول معايا اكتر من مره اننا نكمل بس انا مش قادرة اتقبله خالص ولا قادرة اتقبل افعاله وتصرفاته وفي الاخر انفصلنا لسبب ما كان ممكن يتصلح بس انا كبرت الموضوع قصدا يعني هل انا غلطانة؟ انا فعليا عارفة انه بيحبني جدا ويعمل عشاني  اي حاجة بس انا مش قادرة اتقبله ولا بحبه هو حط نفسه في حياتي غصب وانا مش عايزاه فيعني تشوفوا اني غلطانة؟

Cherry_60771 🇪🇬 · Accepted Answer

مش غلطانه

Banana_75181 🇪🇬 · Answer

الانسان اصله علق
بيحب اللي مبيحبوش

Avocado_77825 🇦🇪 · Answer

لا عادي ياما حبينا واتحبينا ومتوفقناش روقي

Mango_74700 🇪🇬 · Answer

لا عادي مش لازم تغصبي نفسك علشان حد 
و ادام دا الحل الوحيد علشان تبعدي عنه متزعليش 
و برضو حاولي تفهميه انك مش قادرة تحبيه و انه لازم يبطل و يشوف حياته

Strawberry_72365 🇪🇬 · Answer

انت ريلي مش فاهم انا مش قادرة اتقبله هو مش شبهي في اي حاجة وماديته سيئة جدا انا ماديتي اعلى منه بكتير طبعا الراجل ميعبهوش حاجة بس انا عايزة حد من نفس المستوى الاجتماعي وهو اسلوبه مش جوي مش الشخص اللي عايزاه

Strawberry_72365 🇪🇬 · Answer

مش عايزة اجرح مشاعره مش عايزة ابعد وهو مضايق مني او اني جارحة مشاعر حد انا فكرته هيمل مني او هيزهق بس هو مش عاطيني فرصة

Cheese_73846 🇪🇬 · Answer

الممنوع مرغوب😵‍💫

Strawberry_72365 🇪🇬 · Answer

اي العلاقة

Sugar_67863 🇪🇬 · Answer

لا انتي مغلطتيش انتي كده ريحتي واستريحتي ابعديه عنك طالما مافيش مشاعر عشان هتظلميه .. وهو غلطان اصلا عشان حب واحدة زيك 👍🏻 الصراحة حلوة من البداية بدل اللف والدوران 👍🏻

Banana_75181 🇪🇬 · Answer

طب ليه بتفكري فيه او جبتي سيرته
لو بره حساباتك انسيه

Strawberry_72365 🇪🇬 · Answer

هو عشان انا محبتهوش بقيت انسانة وحشة؟ انتوا عالم غريبة

Strawberry_72365 🇪🇬 · Answer

انا خايفة اكون جرحت مشاعره او انا الشخص التوكسيك في حياته انا مكنتش عايزاه هو اللي قعد يتحايل اني اديه فرصة خايفة دلوقتي اكون شخص سيئ

Apple_54177 🇪🇬 · Answer

هتشيلي ذنبه طول حياتك في اي حاجه مش هتتوفقي لأن معلش يعني هو اجبرك ازاي ترجعيله ضربك هددك اي حاجه من دي لا اكيد هو حاول وانتي بمزاجك استجابتي ليه فا خديها مني ومن غير تطبيل لو تقدري تشيلي ذنب فعلك طول العمر سيبيه يشوف حياته وربنا مش هيسامحك

Mango_74700 🇪🇬 · Answer

لا متشغليش بالك بانك تجرحيه 
احسنله انك تبعدي عنه و يزعل دلوقتي ولا انه يفضل يجري وراكي و ف الاخر مش هتوافقي عليه وحتى لو وافقتي من كتر ضغطه عليكي مش هتبقي مبسوطة معاه 
ف ابعدي احسن ليكي و ليه علشان كل واحد يشوف حياته

Mango_77979 🇪🇬 · Answer

بصاها من ناحية الشكل ولا

Strawberry_72365 🇪🇬 · Answer

مش رجوع هو كان بيحاول اديله فرصة اتحايل عليا كتير لحد ما حسيت انه بيتذللي وانا مكنتش عايزة كده ووافقت اديله فرصه وكرهته اكتر من الاول

Strawberry_72365 🇪🇬 · Answer

ليه ربنا مش هيسامحني ؟ ربنا بيسامح اي عبد بس انا شايفة اني مش غلطانة انا مش هغصب نفسي احبه هو جبرني اكون معاه في ريليشن شيب

Strawberry_72365 🇪🇬 · Answer

بالعكس هو شكليا كويس ورياضي ومهتم بنفسه ببساطة ارواحنا مش مناسبة وانا مش متقبلاه ولا اسلوبه ولا طريقته هو مش الشخص المناسب ليا عجزت اتقبله

Mango_77979 🇪🇬 · Answer

لحظة اي اللي مش منقبلاة فيى  اسلوبة فلاح مثلا مع احترامي للفلاحين  لبسة وحش شغلة مش كويس لازم يكون في سبب

Strawberry_72365 🇪🇬 · Answer

ايوة هو اسلوبه فلاحي ومش بينتقي الفاظه ولحظت لو حصل حاجة صحابه الولاد بيبقوا عارفينها ويعني بعتولي اد وحوارات كتير مش حاسة انها صفات الراجل اللي انا عايزاها ومستواه المادي اقل مني بكتير