يا جماعه انا عندي ناس كتير في حياتي بيتجاهلوني و شايفين نفسهم احسن ناس وبيأذوني وكده يعني انا سعات بردهالهم بس بجد انا مش بحب اشوف حد زعلانه او متدايق وكده ف مش بعرف اشيلهم من حياتي او ابعد عنهم لانهم كل شوية هيقعدو يقولو مبترديش ليه وحتى لو خرجت خروجة حلوه مع حد مش بعرف انزلها احسن يتدايقو او يتقمصو

مفيش حد يستاهل انك توصل المرحلة دى عشانه صدقني العلاقات ف الحياة عامة عبارة عن منافعة متبادلة إنما ده مجرد آذى لنفسك ولا يمت لصداقة بأي صلة إحنا جايين الحياة عشان نجهز للجنة و نحاول نبسط شوية ف مش مستاهلة انك تضيع وقتك ف علاقات بالشكل ده جايز هيكون صعب ف الاول بس حقيقى محتاج تبطل تفكر بالشكل ده و تبدأ تفكر فنفسك اكتر مش عارف اقولك اى بس اتمنلك يوما ما تقابل ناس تعيش معهم معنى الصداقة بجد .

هل أنا توكسيك ولا عادي؟ الموضوع مرهق نفسيًا

Q: مش عارف أفصل بين التعلق والتروما وبين الحقيقة

مكنتش عارف إن التروما ال جتلي دي ممكن تأثر عليا للدرجادي او تخلي مواقفي مع الناس كدا ومبقتش عارف أنا كدا وحش ولا لا بقيت أتعلق بالناس بسهولة وبقيت مهتم آوي ان الناس تحبني عشان أعرف أحب نفسي واخد قيمتي منهم بقيت لما أتعلق بحد بقعد أفكر مليون مرا ف مواقف حصلت بيني وبينهم واشوف ف دماغي ردة فعلهم وهل هما اضايقو عشان لو اضايقو هخسرهم واقعد أتخيل مواقف بيني وبينهم محصلتش قالولي اشغل وقتك لقتني حتى ف وقت انشغالي بفكر فيها وأنا عارف إنها مش مشاعر حب ونفسي أتخلص من حاجة زي كدا ومش عايز أغير لما تحكيلي موقف مثلا وعايز افصل بين مشاعري وبين الحقيقه لأن الحقيقة بتقول إنها مش مناسباني ولا تربيتها زي تربيتي ولا بيتها زي بيتي مبقتش فاهم إزاي افصل بين كل دا وبين تفكيري أنا عارف ان دا تعلق مش حب ومش عارف أتخلص منه