هل أنا الوحيد مش عايز ولاد ولا بفكر كده؟

Apple_70832 🇪🇬

منذ يومين

شعور مستنزف

هو أنا الوحيد هنا اللي لا انجابي هل حد بيفكر زيي بالطريقه دي أنا فعلا حاسس اني مش عايز ولاد خلاص وحاسس اني اقدر أعيش من غير ده خصوصا اني مش حاسس اني هقدر اكون الاب المثالي في عيونهم او قادر اوفرلهم حياه كويسه أنا ممكن بتأثر بعلاقتي أنا ووالدي واني كنت شايفه احسن واحد ف الدنيا وطلع فيه حاجات كتير وحشه عرفتها لما كبرت مش عارف هل أنا طبيعي ولا ايه

هل أنا طبيعي مش عايز ولاد ولا في مشكله؟

0 الدعم

5 نصيحة

ليه الناس بتكذب؟ صدمتي مع خداع الكبار

حد عنده فكرة أيه مبرر بعض الناس للكذب؟؟ انا حد تطفولتى إمتدت معايا للعشرينات والسبب انى كنت بشوف الدنيا من خلال بابا وماما كانو بيخافو عليا جدا.. أفكاري متلوثتش فااا كنت حد بيصدق كل الناس وإنه محدش مضطر يكذب الدنيا حلوة ي جماعة .. لكن مع بداية إختلاطى الحقيقي مع عالم الكبار ودا كان من خلال الكلية.. ف الأول كنت مش فاهمة الدنيا اوى ولكن مع الوقت بدأت أكتشف إن معظم الناس واخدين الكذب إسلوب حياة، هنا بدأت أفكاري تتعارك مع بعض وبقيت بتعامل بحذر مع الناس ، بس برضو مكنتش بستوعب فكرة إن الإنسان المخادع او الكذاب عايش وسطنا عادى وعنده أهل وأصحاب كنت بحس إن النوعية دى شكلهم وحش وأشرار وعايشين في مكان مهجور بعيد عن الناس،لكن الى كان بيحصل العكس دول بيكونوا أكتر ناس وشها برئ و بيكونوا مندمجين مع المجتمع جدا ويمكن كمان يدعوا إنعم ع قدر من الثقافة والتدين، فبالنوعية دى بتعرف تتفنن في الخداع والكدب يقدر يقنعك بأكتر قصة مش منطقية إنها تحصل ولكن هو بيكون مصدق نفسه ، لكن الحقيقة إن الناس دى أكتر ناس ضعيفة ومهزوزة وفاضيين من جواهم فبيعوضوا دا بالكذب وإدعاء امور مش حقيقية، من بابا أنا لا أكذب ولكنى أتجمل، بسبب كل دا وتفاصيل كتير تفكيري نضح بالصدمات بشكل غير صحى ومفزع كأن حد ضربنى ع دماغى، الأهالى بتهتم تعلم ولادها الخير والأخلاق الحميدة والجانب الكويس في الحياة بشكل عام ولكن لازم في التربية يكون فيه قدر من التعريف بالشر من باب العلم بالشئ وازاى الطفل يتعامل مع شرور البشر بشكل عام والكدب بشكل خاص من غير م هو يتضرر، لأن عدم معرفتى خلتنى أتخبط لفترة طويلة كنت بشك في اى كلام يتقالى بس مع الوقت بقا عندى شئ من التوزان لكن للأسف الصدمات دى نالت من جزء من قلبي وبوظته لسه قادرة أصدق ان فيه خير وناس كويسة بس مش زى الأول ومشكلتى الأكبر إن الناس دى مش معظمة قدر ربنا في قلوبهم ينطبق عليه الاية الكريمة "يستخفون من الناس ولا يستخفون من الله وهو معهم إذ يبيتون ما لا يرضى من القول" ...عرض المزيد

5 الدعم

8 نصيحة