مش عارف أتجوز دلوقتي ولا مستني.. نصيحتك إيه؟

Question

سلام عليكم 🤍
انا شاب22سنه ومش مرتبط ولا خاطب ولا في حد في حياتي بس انا معظم قرايبي واصحابي الى خاطبين والى متجوزين وكمان معاهم عيال وانا مجربتش ارتبط قبل كده ولا اتقدمت لاي بنت عارف اني لسه صغير بس انا حابب افضفض معاكم وانا شغال الحمدلله بمرتب كويس ومعايا شقه جاهزه مش عارف اخد الخطوه امته واقولهم انا عايز اتجوز ونفس الوقت مش حابب اتجوز دلوقتي خالص وتقريبا لما يجي وقتها هتكون صالونات ولا عن حب تنصحوني بايه. 🙂

Orange_56289 🇪🇬 · Accepted Answer

متستعجلش نصيبك جاي ربنا يوفقك ❤❤❤

Orange_71237 🇪🇬 · Answer

انك تبني نفسك الاول ولو في فرصة تطلع برا اطلع وارجع على 25 كده معلم ونقي اللي تعجبك

الراجل اللي له قيمة هو اللي بينقي حب بقى او صالونات *

Cherry_65752 🇪🇬 · Answer

من رأيي بلاش تتجوز لو فكرتك عن الجواز ان بس اللي في سنك اتجوزو وخلفو وانا وضعي كويس ف ليه لا 
بلاش كدا لان الجواز مسؤوليه واحتياج وحد بيشاركك كل حاجه وحد جديد مسؤول منك بالكامل وعايز مشاعر وحب واهتمام 
خد الخطوه دي لما تحس انك محتاج تاخد وتدي المشاعر دي 
يعني فعلا محتاج تحب وتتحب مستعد تصلح من نفسك عشان اللي معاك لو الموضوع احتاج ومستعد تقدم كل الحاجات اللي قولتها فوق وعايز شريك حياه تقاسمك وتونسك

Cherry_65752 🇪🇬 · Answer

وقتها مش مهم اوي عن حب ولا صالونات لو صالونات هتاخدو وقتكم تتعرفو وممكن تحبو بعض ولو عن حب فدي نفس الطريقه اللي الموضوع هيمشي بيها في الاول برضو مش بتفرق اوي فخليك في الصالونات وابتديها حلال

Apple_64974 🇪🇬 · Answer

انا فعلا محتاج اشارك حد مشاعري وحياتي واهتمام وقادر اتبادل المشاعر دي