انا في أولي جامعه اتصدمت في مجموع بتاع ثانويه عامه مع اني كنت بذاكر كانت اكتر سنه ذاكرت فيها و كنت بقفل امتحانات الدروس المهم دخلت كليه عمري ما حبيتها بس مكانش قدامي الا هي كليه اداب و دخلت قسم لغه ايطاليه في الاول لما الكليه جاتلي قولت هخش ايطالي و كله بيقولي خشي انجليزي بس لما عملت رغبات جالي ايطالي عشان كنت كتبته قبل الانجليزي و دلوقتي عاوزه احول الانجليزي بسبب اللي حواليا و كمان مش مرتاحه و لا عارفه اذاكر و الميدتيرم قرب و حاسه ان كل حاجه بتضيع و كمان بقعد في المحاضره مش عارفه اقرأ ايطالي زي زمايلي و بخاف الدكتور يسألني و في نفس الوقت مش عاوزه احول الانجليزي ممكن تفيدوني باي حاجه

1

9