هحكيلكم موقف حد يعز عليا جامد حكاه وعايز نصيحتي ومش عارف اقوله دلوقتي هو اتعرف علي بنت عن طريق النت واتكلم معاها صوت والدنيا تمام .. هو من محافظه وهي من محافظه تانيه وبناء علي كلامها معاه عايشه ف منطقي راقيه مستوي بمعني اصح هو عنده ٣٠ سنه وهي عندها ٢٥ سنه و شغاله دكتوره في مستشفي واتفقوا مع بعض يتقابلوا يتعرفوا اكتر والدنيا لو تمام يتقدم رسمي لاهلها ويروح هو واهله البنت ذوق جدا مش عايزه تكلفه اي حاجه وقالت له اول مقابله دي علي حسابي انا العزماك ومفيش فرق في الماديات وشيفاها شكليات المقابله البعد كده ابقي اعزمني انت .. هو اتكلم معاها لان طبعا كأصول وذوق مينفعش هي التحاسب علي اي حاجه وهو معاها خصوصا ان هيخرجوا سوا واليوم ممكن يطول معاهم بس هي رافضه فكرة انها تدفعه حاجه وشايفه كفايه بس المشوار عليه وانه راح لها.. هو مقلق من حاجه ان يروح ويحصل حوار ويلبس او تلبسه مع ان البنت دكتوره وقاعده ف منطقه راقيه وراكبه عربيه مرسيدس c180 علي كلامها .. يعني ناس مستوي.. وهو مرتاح ماديا برضوا من ضمن الحجات هو عرفها عن طريق برنامج للاسف قليلين اوي المحترمين فيه بس هو بيقول عادي كده كده هروح لها مكان شغلها واقابلها فيه ونخرج بعدها نقضي يومنا و لو في حوار هيبان او هيتحس من التصرفات والكلام والنظرات من اول لحظه وغيره من الكلام ده .. مش عارف بصراحه اقوله يروح ويجرب وزي ما تيجي او مش هيحصل حاجه ولا بلاش وممكن تلبسه حوار ؟! وهل في حد حصل معاه حاجه شبيهه لكده ولبس حوار وطلع منه ازاي وب ايه وانصحه اقوله يعمل اي مثلا لان هو عمره ف حياته ما قابل بنت او خرج معاها وهو شخصيه محترمه وغلبانه وطيبه اوي وهو قلقان علشان هو عايش مع والدته واخواته ووالده مسافر ف مش عايز وش ووجع دماغ وحوارات هو في غني عنها ورجاء محدش يقول بلاش احسن ويسكت لو توضحوا السبب او يأمن نفسه ازاي .. هو لسه هيقابلها كمان كام يوم (البنت من القاهره ) الراجل من البحيره وياريت بلاش هزار وهلس وكلام ملهوش لزمه انا شايف ان عادي بعض بنات القاهره منفتحين ممكن زياده عن اللازم عن اي محافظه تانيه هم وبنات اسكندريه

3

2