اسفة على الكلام ان هطول شوية بس عايزة نصايحكوا في الموضوع ده ، وانا في تالتة اعدادي كانت مصاحبة بنتين و كان بقالنا 8 سنين مع بعض ، المهم حصل مشكلة بيننا كلنا و اتخانقنا مع بعض بسبب حوارات كتير و الفترة دي كانت نفسيتي وحشة اوي و كانت مأثرة على صحتى جامد ، المهم اتصالحت انا و بنت فيهم  و البنت التانية كنا قطعنا معاها خالص ، البنت اللى قطعنا معاها دخلت مدرسة ،وانا و البنت التانية دخلنا مدرسة ثانوي مع بعض و اتعرفنا على بنات تاني بقت الشلة مكونة من 4 اشخاص ، انا و صاحبتي القديمة و البنتين الجُداد ، المهم كملنا لحد جت فترة كنت تعبانه جدا و كنت حاسة اني هموت فقولت اصالح الناس اللى متضايقين مني فاتصلت بالبنت اللى كنا قاطعين معاها و اعتذرتلها و كده ( مع اني مكنتش غلطانة في حاجة بل بالعكس انا اللى كنت اتأذيت منها ) و خلاص لحد دلوقتي علاقتنا بقت سطحية و مبنتكلمش ، نيجي بقى تاني للبنت اللى انا كملت معاها و دخلنا  ثانوي ، البنت دي معندهاش اخوات بنات و انا يعتبر اختها و صاحبتها ، بس بقالي سنتين حاسة ان طريقتها مش كويسة معايا و في كذا موقف بحسها بتغير مني و من اللبس اللى بلبسه و مستوايا الدراسي مع ان مستوانا الدراسي متقارب جدًا و بتبص للنِعَم اللى ربنا انعم عليا بيها مع انها بردو عارفة كمية الأمراض و الإبتلاءات اللى عندي ، و كان في كذا مرة في الامتحانات الاخيرة السنادي بتاعت تانية ثانوي كنت بحس انها بتتعمد تراجع معايا الامتحان عشان تشوف انا غلطت في ايه و تشمت فيا هي و البنتين التانيين بس قولت لنفسي انا مش ههتم بكده و يمكن انا اللى أسأت الظن فيها ، بس الفترة دي طبعا بداية تالتة ثانوي و حاسة انها عايزة تتحكم فيا او  مش بتعاملني كويس معرفش بس حاسة بحاجة مش حلوة ، و النهاردة حصل بيننا خلاف بسبب الموضوع ده ، و كل ما اتكلم معاها شات بطريقة طبيعيه جدا و هزار و ببعتلها استيكرات و كده تفهم كلامي كله غلط و تفتكرني بعاندها ، انا مش حابة يحصل حاجة تأثر على نفسيتي في تالتة ثانوي فقولت هسطح علاقتي معاها و هحاول اتجنبها على قد ما اقدر بس مش حاسه اني كويسة بصراحة لاني اتضايقت منها جامد النهاردة ، اعمل ايه ؟

2

0