نصائح ضرورية للزواج بعد الطلاق وكيف أختار الشريك المناسب؟

Question

سلام عليكم محتاج نصيحتكم ضروري

دلوقت انا مطلق من سنة وبدأت افكر في الزواج واكيد البحث هيكون عن مطلقه في نفس ظروفي لكن قلقان من ارتفاع نسب الطلاق خصوصا" طلاق المحاكم، ازاي اعرف انها اتظلمت فعليا"ومتكونش ظلمت؟ سألت قرايبي و معارفي عن عروسه لقيت الكل بيبعد و بيقول امشي في جنازه ولا تمشي في جوازه، طيب هل فكرة التعارف من علي النت او مواقع الزواج دي فكره كويسه ؟ في حد اتجوز عن طريق مواقع الزواج دي ولا مشروع فاشل, حتي إمام المسجد لما سألته قالي كنت بعمل الموضوع ده بس خلاص بطلت، توبه 🙂 جابلي إحباط.

منتظر نصيحتكم بدون سخريه واحباط الله يكرمكم،

ازاي الاقي انسانه كويسه لان محتاج للحب الحلال والوحده صعبه جدا", اعتبروني اخوكم. اشكركم

Blueberry_46540 🇪🇬 · Accepted Answer

و الله لو شوفت واحدة محترمة مطلقة أو غير مطلقة اسأل على أهلها و عن البنت و كده ، و تأكد من اخلاقها و متمشيش ورا كلام الناس و خاصة إن الست المطلقة في مجتمعنا مظلومة من المجتمع إنه دائما بيشوفها وحشة و إنها متستحقش اي فرصه تانيه رغم إن ده كان مجرد زواج و محصلش نصيب عادى ما علينا شوف انت بنفسك و اتعامل معاها بعد ما تتقدم

Toast_66105 🇪🇬 · Answer

يا صديقي ياريت تشوف حد من سنك و تدخل البيت دغري من بابه و بلاش نرهق نفسك في اي مكان اخر و مش شرط تكون مطلقة

Donut_72674 🇪🇬 · Answer

اولا انت ظالم المطلقه انت معشتش ظروفها علشان تلوم المطلقه وترفع عليها السكين عادي اي اتنين متجوزين اطلاقه مش شرط يكون طرف مظلوم وطرف ظالم ليه ميكونش مكنوش من الاول متفاهمين فاعدم التفاهم ادي اللي الطلاق.. كلمه مطلق او مطلقة مش كلمه عيب علشان نستخبه منها. المطلقة ربنا يعوضها ونفس الحكايه المطلق ربنا بيعوضك ومش شرط انك مطلق انك تتجوز مطلقه اعرف حد مطلق اتجوز حد اضغر منه ١٠ سنين وانسه سيب رزقك لربنا

Watermelon_66194 🇪🇬 · Answer

مش شرط تكون مطلقه ولا في السن عدل أسباب الطلاق الاولاني لو منك و أتأكد أنه مش موجود لو من الطرف التاني و اكيد نصيبك الخير جاي ربنا يرزقك ببنت الحلال إن شاء الله 
وبلاش زواج من النت وده رأي

Donut_72674 🇪🇬 · Answer

تانين هكمل كلامي.. موضوع ابلكيشن ده انا جربته ومسحته لو انت شخض بتعرف ربنا زي وضميرك صاحي مانصحكش بالابلكيشن الزاوج لانه في جانب شر كبير حته لو فيه خير وانت مش هتعرف تفرق بين الكذاب والصدق في ابلكيشن.غير اللي بيسيب حاجه لله ربنا بيعوض    انت اللي عليك تسعه في أرض الواقع مش في أرض الافتراضي عايز تعرف في انسان بتجوزه منه اه اعرف حد اتجوز من ابلكيشن بس مش شرط كل الناس تتجوز منه نصيحه اسعه ودور 
بنفسك

Pear_72390 🇸🇦 · Answer

آنسة مطلقة أرملة مخلوقة فضائية كدة كدة هتنكد عليك 🤣🤣🤣

Chilli_28248 🇪🇬 · Answer

شوف يخويا انت لازم تقابل ناس جديده خالص في حياتك واسلوب حياتك لازم يختلف عشان تعرف تلاقي حد مقبل على الحياة زيك مش محبط من خطأ في الماضي. انت عندك ملايين من البنات اللي لسه لم يسبق لهم الزواج اصلا يعني انت اكيد هتلاقي وحدة مطلقة كويسة او حتى بنت كويسة. نصيحتي ليك الشخص اللي بتقابله وش ف وش صعب اوي يخبي حاجة زي النت. وانشاء الله تلاقي بنت الحلال وربنا يسعدك🖤