أنا عايزه أشارككم موضوع مهم بالنسبالي جدًا… بقال فترة نفسي ألبس النقاب تقربًا لربنا وحماية لنفسي، ولسه ماكلمتش والدي. المشكلة إن والدي عصبي وأنا خايفة يرفض أو يزعل. هو شايف إن النقاب تعقيد على الفاضي، وأنا نفسي أوصله إن ده مش تعقيد، ده راحة وستر وقرار شخصي بيني وبين ربنا. ولو هو قاللي: أنا حر ومش عايزك تلبسيه، أنا محتاجة طريقة أرد بيها بهدوء، مثلاً إني أقول له: "يا بابا أكيد إنت حر وقرارك ليك احترامه، بس كمان نفسي أكون حرة في طاعتي لربنا، ومش عايزه أعمل حاجة إلا برضاك." أنا مش بكتب عشان حد يقولي متلبسهوش 🙏، لكن محتاجة نصايحكم: إزاي أفتح الموضوع معاه من غير ما يضايق؟ وإزاي أخلي الحوار هادي ومطمئن؟ لو في حد مر بتجربة شبيهة يا ريت يشاركني. بدعي من ربنا إنه يلين قلبه ♥️

2

9