أهلاً يا حلوات أول مره ليا أستخدم البرنامج وكنت عايزه أسأل واتمنى تنصحوني أنا دلوقتي خلصت الصف الأول الثانوي الأزهري الحمد لله وداخله الصف الثاني الثانوي و فاضللي شهر ونص في الأجازه لحد اول شهر 8 وكنت عايزه نصيحه هل أبدأ مذاكره من دلوقتي؟ لإني كنت حابه ابدأ رياضيات لإنها أسوء ماده عندي والكل بيقول في تانيه ثانوي صعب جدا فعايزه ابداها بدري واذاكرها من عاليوتيوب عشان أعرف ألمها فهل دا صح؟ وكمان اعمل ايه واذاكر ازاي عشان اطلع تاني من الأوائل؟ أنا شاطره ومجتهده بس بقالي كم سنه معتش بطلع من الأوائل وعايزه طريقه بجد كويسه تفيدني في تانيه ثانوي خصوصاً اني ازهر وكمان علمي و عايزه اعرف طريقه لمذاكره الفيزيا والكيميا والاحياء لاني مأخدتهاش في اولى ثانوي واستبدلوها بعلوم متكامله فمش عارفه هتعامل مع 3 مواد الجداد دول ازاي السنه الجايه وخايفه جدا منهم فممكن نصيحه اتعامل ازاي؟ و ازاي اقدر ارجع اطلع تاني من الأوائل؟ وبجد هكون شاكره لو حد ساعدني و بردو عايزه اسأل عن علاقاتي ؟ بحس أحياناً إن في صداقات كونتها وراحت مني او ناس اعرفها من سنين بس حالياً بتعاملني كإني شخص مش مهم في حياتهم مع اني كنت جزء كبير من حياتهم بس حسيت اني ضيعت كتير اوي اوي من الوقت عالفاضي او يمكن هم اللي فقدو الشغف فيا مثلا؟ وعايزه تكون اولويتي السنه الجايه دي اني اركز عالدراسه وبس فبردو هل اقطع كل علاقاتي؟ ولا استمر في تكوين صداقات والحفاظ على صداقات قديمه؟ لإن بردو تانيه ثانوي هي احدى تمهيدات تالته ثانوي فعايزه أعرف أعمل ايه اقطع علاقاتي ولا أكمل ؟ ولا ايه بالضبط و كمان حاسه ان دي حاجه بتضيع وقتي شويه في الدراسه؟! ممكن ؟! و هل اقفل موبايلي من اول لما السنه تبدأ خالص ولا استخدمه عادي في السنه زي قبل كدا؟ نصيحتكم هتفيدني جداً جداً وشكراً جزيلاً

4

12