عايزة احكي تجربتي مع عدم الثقة في النفس..انا مكنتش بثق في نفسي ابدا حاسه دائما أن شخصيتي وحشه و شكلي وحش و كنت بكره اتصور و لو اتصورت بيبقى غصب عني علشان مبينش اني مش بحب شكلي بس كنت بكره اشوف الصور كمان كنت بحس دائما اني ضعيفه و غبيه و مستحقش اي حاجه حلوه ولا استحق اتحب ولا استحق صحاب كويسين فضلت كده لحد ما بقى عندي ١٧ سنه بالظبط بعد ما خلصت ثانويه عامه و للأسف مجبتش مجموع و ساعتها فضلت زعلانه و ساكته و مش عايزه اكلم حد ولا اتعامل مع حد بعيط وبس لمده اسبوعين و من هنا قررت أن انا مش هينفع اكمل حياتي بالشكل ده و هعتبر المرحله الجديده دي في حياتي و هي الجامعه بدايه جديده و هبقى شخص جديد احسن و فعلا بدأت اشوف مشاكلي و احلها زي اني مستحقش الحب بدأت اشوف هو انا ليه حاسه كده هل علشان انا انسانه وحشه لا انا مش وحشه طيب علشان ايه اكتشفت أن الموضوع بدأ من عند اهلي من وانا صغيره بيتريقوا عليا و مهما عملت شايفني فاشله..بدأت انا ادي لنفسي الحب اللي محتاجاه و اشوف اني فعلا شاطره و ده بشهادة اللي حواليا كمان...من ناحيه بقى اني وحشه بدأت اهتم ببشرتي و اجيب منتجات اسكين كير وكده، عرفت الميك اب اللي بيليق عليا، غيرت استايل لبسي، غيرت لفة الطرحه، بقيت اشوف مشاكل بشرتي و اعالجها، خدت بالي أن عندي نص وش اتخن من التاني بدأت اعمل تمارين الوش و اعالج الموضوع ده، اتعلمت ازاي اتصور و عرفت أن نوع التليفون بيفرق برضو ممكن كاميرا الموبايل وحشه اصلا و الحمدلله بقيت بتصور، بقيت احسن و طاقتي و احساسي بنفسي احسن و بقيت واثقه في نفسي و لسه أن شاء الله هبقى احسن في حاجات تانيه كتير كمان اهتميت بدراستي و مذاكرتي و اثبت لنفسي اني شاطره فعلا....الموضوع مش سهل انا فضلت حوالي سنتين و مؤخرا بس بدأت أحس بتغيير بس صدقوني الموضوع يستاهل و كل خطوه صغيره هتعملوها دلوقتي هتفرق كتير بعدين

والله انتي مش متخيلة قد إيه أنا مبسوط لك بجد ربنا يوفقك و تسلمي علي مشاركتك و ربنا يوفقك آكتر و آكتر و ركزي ف نفسك بس و ساعد غيرك و قربي من ربنا مش هتفدي لحاجة تاني و المكتوب جاي لا محالة ف عيشيها بسعادة و آخر حاجة انما الدنيا صبر ساعة وربنا يرزقنا كلنا الفردوس يارب 🤲🤲❤️

أنا بقالي كام يوم كده عايزه أبعت رساله لحد بس متردده اعده أقول كرامتي متسمحش فا مش عارفه الموضوع شاغل تفكيري فا مش عارفه اعمل اي الصراحه محتاجه حد يفهمني ف الحته دي و كمان الي ذات و غطا على كل ده ان حصل مشكله فا الكل متنكد الصراحه

هو اكيد الموضوع متوقف علي حسب المشكلة اللي بينكم لو موضوع عادي ممكن تبدأي انتي بالكلام والأمور ترجع بينكم عادي وتاخدي انتي الثواب بتاع الصلح

حابة اقول استوري تايم وبعد غياب طويل فاكرين أستاذي اللي كنت بقدملو اعتذار جاني ذكري لي مشدتين كانوا بينا بس حابة اشاركها المهم في مرة كنت متأخرة أنا وزميلتي عن معاد الحصة بمناسبة أستاذي معلم احياء فا كان لازم يسألنا عشان ندخل فا زميلتي اتسألت وفضلت ساكتة شوية كتير فانا كنت متوتره وعاوزه ادخل فاجوبت لكن أستاذي دخلها هي وقالي : انا هاعتبر انها هي اللي قالت الإجابة مش انتي قولتلو ازاي هي معرفتش تجاوب قالي بس هي كانت بتفكر كان ممكن تجاوب لو آنتي مقولتيش آنتي عارفة نتيجة اللي عملتي ده اي ده ممكن يسببلها اكتئاب واحباط وكمل وقال حطي نفسك مكانها إحساسك كان هيبقا ازاي لو كل واحد ماخدتش فرصتو الكاملة وجيه حد زيك قطع عليه هتبقا فوضى الحقيقة ممكن تحسو ان أستاذي كبر الموضوع او مجرد فلسفة زايده بس ده فعلا علمني درس اني افكر في شعور اللي حوليا نتيجة اي فعل بقوم بي ♥ احب اقول اني بحب أستاذي ده جدا جدا جدا علمني دروس كتيره اوي غير دي كفاية نقاشو معايا اللي مش بلاقي حد يناقشنى زيو ممتنة ❤❤❤

كان عندي اساتذة رائعين والله زي استاذك كدة🤎

نصائح صباحية للإيجابية وتقدير الذات

Banana_17423 🇪🇬

منذ 11 شهرًا

شعور Great 🤩

صباح الخير علي سبيل الايجابية الصباحية وكدا _انت مطالب بالسعي مش بالنتيجة _انت مش مضطر ترضي جميع الأطراف ما دام دينيا ونفسيا واخلاقيا انت مغلطش _انت متسابتش عشان وحش او العيب منك ولا شرط يكون من غيرك دي حكمه ربنا اللي عارفها واكيد خير ليك _صحتك ونفسيتك ودراستك وشغلك وحياتك الشخصيه اهم بكتير من انك تيجي عليها عشان اي سبب _علاقتك بربنا طول ما هي كويسه وانت متقي الله في تعاملك مع خلق ربنا يبقي انت ماشي صح بصرف النظر عن اي حاجه تانيه _ سيدنا محمد صلى الله عليه وسلم كان عنده أعداء اعتقد دا اكبر سبب ممكن يخليك متعايش مع اي حاجه بتحصلك _كرامتك لو محافظتش عليها هتعيش طول عمرك متداس لازم تعزز نفسك _شكلك واسلوب كلامك وطريقه لبسك وتنسيقك والوانك بتعبر عن شخصيتك وكل تفصيله بتعملها بتبان سواء هتأثر بالايجاب او السلب اعتقد كفايه كدا النهارده ومتنساش " اشرب مايه كتير "☺