مفيش أوحش من كسر الخواطر وقلب حد بتحبه

Question

مفيش اوحش من انك تشوف نفسك تقيل علي اكتر شخص بتحبه هو بيبعد وانت متمسك بيه بس هو كارهك ومش عاوز وجودك ف حياتك

انت عاوزه وهو مش عاوزك ولا عاوز يسمع اسمك مع انك والله بتعزه وبتحبه وعملت كل حاجة عشان تحافظ عليه

بقيت حاسس بفقدان شغف تجاه كل حاجة بقيت عصبي بتخانق مع اهلي مش طايق اقعد مع حد قاعد لوحدي يا نايم يا قاعد ساكت

مفيش اوحش من كسر الخواطر وقلب حد بتحبه 💔

Orange_65725 🇪🇬 · Accepted Answer

انا جايالك من هناك وبقولك هتندم عشان هتشوف نفسك بعدين اوحش حد ف الدنيا لما تشوف اهلك واللى حواليك ملهمش ذنب انك وقعت ف حد ميستاهلش حتى تبص له وانت ضيعت وقت من عمرك ومشاعرك ع الفاضى وهتشوف نفسك قليل اشترى نفسك وابعد ربك مقلب القلوب مش بالعافية وانا والله بانصحك عشان عديت مرحلتك بمراحل وكرهت حياتى بسبب كسر خاطرى

Pineapple_59991 🇪🇬 · Answer

انت ازاي بتحكي اللي بيحصل معايا 🥲

Ice Cream_63106 🇪🇬 · Answer

هو احساس صعب فعلا
بس انت لازم تتخطى لان لو انت قللت من نفسك قدامه اكتر من كده هيفضل يقلل منك طول الوقت و هيقلل من كل حاجة عملتها عشانه كأنها كانت حق مكتسب ليه مش مجرد حب منك
الشخص ده غالبا بيكون نرجسي
أهرب منه لانه عمره ما هيحب غير نفسه

Olive_60546 🇪🇬 · Answer

بلاش تفضلو مع حد حسيتو ناحيته انكو تقال عليه علشان لو فى البداية حسسك انك تقيل وانت برضو فضل متمسك بيه فهو كدا هيكرهك أكتر ويلظأ يشوفك رخم ويستتقلك فانتو من البداية لو خسيتو نفسكو تقال على حد انسحبوا بهدوء

Grape_22054 🇪🇬 · Answer

عشان دي الحقيقه المره خصوصا لو طرف بيحب التاني اكتر خصوصا لو طرف زيي كان مستعد يعمل اللي ميتعملش قصاد فرحه الطرف التاني

Pineapple_59991 🇪🇬 · Answer

كلامك صحيح 
و انا كنت زيك كدا بس اللي حصل معايا أن الطرف التاني هو اللي حبني الاول و بعد ما حبيته انا كمان قلبني هو و بقيت انا لوحدي اللي بحب