في الحقيقه مفيش اختيار في الحياة مضمون تماماً، أو تقدر تقول عليه اختيار صحيح ١٠٠ ٪ -واحد اختار يسافر، وواحد اختار يقعد، وواحد ظروفه أجبرته على حاجة معينة، وواحد كانت الاختيارات كلها متاحة قدامه بس هو اختار اختيار غريب بالنسبة لتفكيرك أنت .. كل ده هتلاقيه -وفي الآخر، مفيش نموذج إجابة مكتوب فيه الاختيار الصح كان إيه -هي حياة، تجربتك فيها بتختلف عن تجربة غيرك، ومسارك بيختلف عن مسار غيرك، ومفيش تأكيد إن غيرك صح وأنت غلط، ولا العكس -فمتندمش على فوات حاجة كل اللي حواليك بيأكدولك إنها مكانش ينفع تفوتك، لا عادي، ينفع يكون الطريق مختلف -المهم إنك تكون بتحاول لنفسك بس، بتحاول باللي أنت مؤمن بيه على أد تفكيرك ومعطياتك، مش بتحاول في اللي غيرك عايزهولك

6

2