معجب بيها من زمان.. ليه عملتلي بلوك؟

Question

معجب وحدة من خمس سنين كنا فى اولى ثانوي دلوقت احنا فى نفس الكلية فاضل سنتين و نتخرج طبعا مراقب في صمت و نظرات على خفيف و متابع الاكونت بتاعها لحد منزلت لينك صراحة روحت باعت عليه رسالة ده نصها

**** ازيك أنا شايفك حاجة كبيرة اوي كبيرة بأدبك و احترامك و حدودك
****  انتى الانسانة إلى بدعى ربنا من فترة طويلة اكمل معاها باقى حياتي في الحلال بدعي و بقول يا رب لو احنا الاتنين خير لبعض يسرلنا الحال
بصراحة مش عايز اكلمك بطريقة مترضيش ربنا عايز نبدأ بداية حلال ربنا يبارك فيها بس برضو عايز اصارحك و نتكلم و نعرف بعض بس لأ  عمال في الصراع ده من فترة اقترحى بقا عليا الحل الامثل واوعدك يتم
المشكلة مش عارف هل عرفتيني ولا لأ

سألت مين حضرتك قولت لها مش مهم صممت تعرف مين عرفتها أنا مين و كانت المفاجأة راحت عملتلى بلوك على فيس بوك و مكملتش كلام و سكتت خالص 
بس كل شوية تدخل على موقع صراحة مع أن عدد الزوار مش بيزيد بتدخل كل نص ساعة تقريبا و اول استوري فيس انزلها جابت others و ده نادر يحصل

عايز اعرف منكم موقفها ده يسمي ايه و ليه مرفضتش بشكل طبيعي و ليه دخولها المستمر على الموقع و الستوري عندي

و عايز اعرف فى حاجة غلط فى إلى أنا بعته ولا لأ ؟

Marshmallow_62476 🇴🇲 · Answer

بص نصيحه من اخوك حصل معايا نفس الموضوع تقريبا معجب ب بنوته قدي بقالي فتره كبيره برده توصل ل 5 أو 6 سنين برده من الاعداديه تقريبا وانا حاليا داخل 4 جامعه وبعتلها من فتره برده وهي برده مش مهتمه ف قررت انسى واشيل الموضوع من بالي خالص لحد وقته كل شي ليه أوانه اشتغل على نفسك في وقت الكليه اتعلم لغه زي الانجليزيه واتعلم مهاره تدخلك دخل اضافي وانسى موضوع البنات دا خالص ولما يجي الوقت انك مستعد وبتدور

Marshmallow_62476 🇴🇲 · Answer

عشان تخطب لو هي موجودة روح اتقدملها غير كدا مفيش حل لانك لو كلمتها في الحرام ربنا مش هيباركلك وممكن متعرفش توصلها اصلا دا غير انك بتقول عملت بلوك سيب كل شي ب أوانه وادعي ربنا كتير كتير واعرف انك لسا محبتهاش لأن معاشرتهاش دا مجرد اعجاب مش اكتر وربنا يفرح قلبك يارب 🤍

Mango_60921 🇪🇬 · Answer

فاهمك بس انا أكدت اني مش عايز علاقة حرام بس ييجي الوقت حبيت اعرف هل الشعور متبادل ولا لأ طيب ليه البلوك ليه متابعة الموضوع على مدار الساعة بالشكل ده مش الفروض الموضوع منتهى من عندها ليه لسة متابعة و اه نسيت اقول ان البلوك فيس بس لسة عندنا انستا و واتس لكن البلوك من مكان واحد بس اسئلة كتير نتيجتها صداع بس

Mango_60921 🇪🇬 · Answer

حبيبت اعرف هل مرغوب فيا بالنسبالها ولا لأ ده غير أن الكلام و الارتباط الحرام مقفول بابه بالنسبالى نهائيا طيب البلوك من الفيس بس و المتابعة المستمرة شبه كل ساعة بالكتير ده كله اسمه ايه ؟

Marshmallow_62476 🇴🇲 · Answer

والله البنات متفهمش دماغهم يعني هما ب حالات كدا ف دا شئ عادي برده ممكن تكون في حياتها حد تاني وممكن تكون بتابعك بتشوفك لسا مهتم بالموضوع ولا لأ

Marshmallow_62476 🇴🇲 · Answer

والله انا مقدرش احدد دا ايه بالظبط بس حاول متفكرش كتير بالموضوع ومتحسبهاش بحسباتك انت ربك مقدر كل حاجه وعارف الخير لينا ايه والشر صدقني لو اشتغلت على نفسك وبقيت ناجح هتلاقيها هي اللي جيالك بنفسها وهتلاقي الف بنت احسن واجمل منها جيالك وساعتها انت بقا تختار اقف لنفسك وقفه راجل زي ما انت عملت وهتلاقي كل حاجه تمام متقلقش

Mango_60921 🇪🇬 · Answer

يعني اللي بعته مفهش حاجة غلط ؟

Mango_60921 🇪🇬 · Answer

طيب اختارت تعمل بلوك لسة متابعة و بشدة ليه عايزة تشوف بصيح ولا لأ ؟ طيب مهو طبيعي مش هعرض ده على السوشيال و مش هتحايل عليكي يعني 
صراع نفسي فى ٣ جمل يجيب اكتئاب حاجة قمة التعب

Avocado_65557 🇪🇬 · Answer

لا ما فيه حاجة غلط بس هي يمكن ما عرفت تتصرف بطريقة صحيح او اتوترت فاتصرفت غلط ..عموما رد فعلها غير مفهوم موافقة ولا لا  ...انت ادعي ربنا و اللي فيه خير هيحصل ان شاءالله