أنا عندي 34 سنة، أيويا انفصل عن أمي من وأنا في kg ومش بيسأل علينا غير كل فين وفين ومش بيصرف، ان أبويا عايش ومش مهتم بيا ولا بيسأل تاعبني جدا ومخليني مش حاسة بأمان لحد وللأسف ارتبطت كذا مرة وبردو أتساب، مفيش أمان، كان نفسي ألاقي حد يعوضني عن الحنان والأمان والسند اللي كنت المفروض ألاقيه من أبويا. نفسيتي تعبت وبقيت خايفة من أي حد أرتبط به وعموما ما بقاش حد يتقدم أصلا، كان نفسي يكون عندي بيت وأسرة زي أي حد، كان نفسي أعيش فرحانة ومطمنة مع حد يحبني ويكون سند ليا، كان نفسي أبويا يحبني ويكون لي سند وضهر، كان نفسي ما أدورش على أبويا في راجل تاني لأن مفيش راجل هيديني مشاعر الأب لبنته غير الأب نفسه، نصيحة لكل أب حتى لو طلقت مراتك اوعى تطلق عيالك، أنا بسبب موضوع أبويا مع الارتباطات الفاشلة حصل لي اضطراب شخصية حدية، أنا حد طيب بشهادة اللي حواليا بس بخاف حد يؤذيني، من صغري لما أشوف بنات أبوهم مهتم بيهم وبيحبهم تصعب عليا نفسي حتى دلوقتي رغم إني كبرت بس كنت مستنية الاهتمام والحب في أي وقت عادي، المهم يجي

6

8