lam not sorry لحد ما ربنا يكرم ويبقى في felling good المهم نظرا اني عاوزه اكتب مش علشان مش لاقيه حد اكلمه السبب الصراحه التليفون واحد في الميه وعارفين الشاحن اللي مقطوع والراس بتاعته مهجوره ولو التليفون اتحرك فااا بيديك أرقام مش مفهومه زي ١٠ ساعات و١٦ ساعه يشحن فيهم المهم دي قصه فقيره ملناش دعوه بيها وصح الصبح قرب يطلع وده اول يوم مدرسه لاخواتي الصغيرين واول يوم ليا في حياتي الروشه المستقبليه اللي مفيهاش مدارس ولا الهم ده وكمان ريحتى مش هتبقى لانشون لااا ومش هشوف مجتمع بنات تيك توك كوافير بسمه اللي بيبقوا في آخر صف ولا اشوف مدرسين يحددولى وسع البنطلون قد ايه ولا هشوف برضو البنات بتاعت مستر نسيت تدينا درس كذا الحصه اللي فاتت ولا هحضر حصه الألعاب اللي عمري ما نزلتها ولا هقعد استنى حصه الكمبيوتر علشان اروح انام هناك ولا هختار تربيه موسيقيه واستناها كل مره وبرضو مش بروح ولا هشوف مستر الرياضه المتصابي المتنمر ولا هشوف المعجزه اللي بتضحكنى فشخ وهو مسيو الفرنساوي الصعيدي ولا بعشق تكبره وعزه نفسه وكبريائه وصح الصعايده تحفهه بس من الاخر كده انا واحده قاهرويه لا راحت ولا جت بنات مصر المهم المسيو ده حصته بجد ايقونك امممم فيه حاجات كتير اويي مش هشوفها بكره ولا مزرعه الكرمب اللي في المدرسه ولا عم احمد بتاع الكانتين اععع صح انا مش هروح كانتين تاني عموما اقدر دلوقتي اقول صبااح الخير مقدما وحاجه تاني يارب بقى الاقي شغل في call center علشان حاسه الموضوع روش شويه اصل ايه هي الشغالات اللي فيها دايما تريقه اسيستنت وكول سنتر وسايس وصعب ابقى سايس لأسباب كوني انثى وبس كدا باي هبقى ارغي تاني في وقت تاني لو حبيت

2

16