ليه نفسيتي تعبانه ومش مبسوطه في حياتي؟

Question

انا مش مبسوطه في حياتي ليه انا نفسيتي تعبانه جدا ليه انا معنديش صحاب ليه رغم ان كتير ناس تعرفني نفسي اطلع من البيئه اللى انا فيها نفسي أخوض حياتي لوحدي خروجاتي ف حياتي كانت عبارة عن التعليم والجامعة لكن مش بحب العيله ولت قعدتهم ولا بحب اخرج في تجمعات لازم الناس اللى اخرج معاها اكون مبسوطه ومرتاحه وبضحك من قلبي معاهم لكن مفيش للأسف ومعنديش اصدقاء مقربه قولولي اي حاجه غيرت حياتكم للاحسن

Peanut_63801 🇪🇬 · Accepted Answer

+1
بصي انتي معندكيش صحاب لإنك ملقتيش الي شبهك و الي متقبلينك بشكل كلي
و طبعا لو انتي مش مرتاحة ف حاجة يبقى سبيها و حتى لو كانت قعدة علية فلو مش مرتاحة فيها يبقى نفسك أولى و لازم متخليش حاجه تقلل من ثقتك و رؤيتك لنفسك
انتي شخص أي حد يتشرف بيه بس مش اي حد يستحقه

Watermelon_64042 🇪🇬 · Answer

حاولي تحبي نفسك وتتصالحي مع اي حاجه انتي مش حباها فيكي وقربي من ربنا  واهلك علاقتك بيهم تكون حلوه ولو علي المعارف والصحاب هو في كتير والله بس مش كلهم حقيقيين واحده واحده  الموضوع ده هيظبط وبتيجي مع الوقت ع فكره وعموما لو حابه نكون اصحاب او نتكلم ف اي حاجه محتاجه مساعده فيها هكون حابب اكيد 01103014049

Tomato_64081 🇪🇬 · Answer

متدخليش تكلمي أولاد على الخاص

Almond_64063 🇱🇾 · Answer

ربنا يرزقك زوج صالح يملأ الفراغ اللي في حياتك 
ويمن عليك بأولاد صالحين يملوا حياتك كلها

Mango_57877 🇪🇬 · Answer

شكرا جدا

Mango_57877 🇪🇬 · Answer

يارب انا فعلا متقدملى حد بس مش قادرة اتقبله رغم اني معرفوش لكن عرفت شخصيته من خلال الفيس وكده بس مش قادرة اتقبله كشخصيه بس اا فعلا اللى هيفرق معايا اه هيكرمني بزوج صالح مناسب ليا يغير حياتي للاحسن ده اللى منتظراه فعلا

French Fries_64080 🇪🇬 · Answer

بصي هي فكره مش قد كده،بس حاولي تشتغلي من البيت واعملي فلوس وتستقلي بنفسك.
عشان فكره الاستقلال للبنات بيبقي توابعها كتير خره 
فا ركزي ف مستقبلك عشان تعرفي تعيشي العيشه اللي انتي حابها.

Mango_57877 🇪🇬 · Answer

انا فعلا عاوزة اشتغل من البيت بس من غير ما اي حد يعرفني يعرف عاوزة اعمل حاجه مع نفسي وعشان عندنا هيقولوا انها محتاجه والكلام ده وغير كده الكلية اللى انا فيها صعبه جدا فعاوزة اعمل الحاحه دي مع نفسي لو تعرفي شغل اون لاين ياريت بجد تقوليلي

Apple_53118 🇪🇬 · Answer

انا كمان زيك حاسس بوحده ديما ومعنديش صحاب ومعنديش حد اتكلم وافضفض معاه لو معندكيش مانع نكون صحاب ابعتيلي برايفت

Chilli_63940 🇪🇬 · Answer

لو لقيتي حل جاوبيني انا كدا بردو نفسي حد يحبني زي ما بحبه يديلي زي ما بديله

Chilli_63940 🇪🇬 · Answer

اي حد بجد حابب نبقى صحاب يبعتلي بس ارجوكم مش عايز حد يأذيني انا اتهريت اذيه

Chilli_63940 🇪🇬 · Answer

انا معنديش مشكله نبقى صحاب

Banana_63953 🇪🇬 · Answer

انتي نسخه مني متطابقه طبق الاصل احنا توينز او فوله واتقسمت نصين، كل حاجه فيكي فيا اخيرا لاقيت حد شبهي

Mango_57877 🇪🇬 · Answer

من ناحية ايه؟

French Fries_64080 🇪🇬 · Answer

فيه حاجات كتير اونلاين وهجبلك كام حاجه وفيه جروبس عل الواتساب بردو هبقي ابعتلك اللينك بتاعها بيبقي عباره عن عروض شغل