مش فاهمة ازاي بيحبني ويختار يخلص العلاقة؟

Question

انا مش فاهمه ازاي ممكن يكون بيجبني و ميقدرش يعيش من غيري و هو عادي في اي خلاف حتي لو بسيط بيختار ان علاقتنا تنتهي و ازاي عادي بيهون عليه انه ميعرفش عني حاجه بالشهر و برضو يقول انه بيجبني و لو مش بيحبني مكنش حاول يخلي علاقتنا رسمي ازاي في كل خلاف منتظر اني اكون لوح تلج من غير احساس ولا مشاعر و ازاي عاوزني ف كل مره انا اللي احاول اصلح الخلاف و اعتذر و اكلمه ازاي بجد❤️‍🩹

Ice Cream_69878 🇪🇬 · Accepted Answer

دا مش حب يا حبيبتي دا نرجسي شوية ومافيش حد يحب واحدة يقدر يقعد ساعة من غير مايعرف عنها حاجة او بتعمل ايه حتى لو زعل مايهونش عليه نهائي الاخ الي كان معايا هو خازوق في الاخر اه بس كان حرفيا لو زعلني في نفس الدقيقة كان بيراضيني

Cookies_35975 🇸🇦 · Answer

ازاي انتي بتشرحي علاقتي بي بالتفصيل كدا

Nutella_67863 🇪🇬 · Answer

عشان مغفله وساذجه فين الحب ؟ كده مش حب ده تملك وضامنك وانتي مرخصة من نفسك علي الآخر اشربي بقي

Mushroom_68593 🇪🇬 · Answer

براحه طيب🙂🙂 
المفروض اعمل ايه انا مش عارفه بجد

Mushroom_68593 🇪🇬 · Answer

و احنا ازاي هبل كده 😔

Nutella_67863 🇪🇬 · Answer

تتطلعي عين اللي جابه وتبعدي عنه فورا تجاهليه ومترديش عليه هيتربي ، عايزك وبيحبك يتقدم لأهلك مش جاهز خلاص يقعد في حجر أمه ، انما كل ده حرام وميرضيش ربنا وبتستهلكي مشاعرك في الفاضي وهتدفعي التمن اذا لو مش بتدفعيه دلوقتي

Mushroom_68593 🇪🇬 · Answer

يحبيبتي اهلي و اهله عارفين اننا في حياه بعض بس خطوه رسميه ك خطوبه او قرايه فاتحه محصلش لسه
انا فعلا بعدت و قررت خلاص مش عاوزه اكمل كان بيجري ورايا و بيحاول معايا و بيكلم ماما و كده و لما رجعت رجع زي ما هو اذا مكنش اسوء

Cookies_35975 🇸🇦 · Answer

عشان مش بيهون علينا العشره و الايام الحلوه قلبنا مش قاسي

Banana_70447 🇪🇬 · Answer

انا بمر بنفس التجربه مع بنت ارتاحتلها وقلبي مال ليها جدا وحسيت معاها اللي محستوش مع حد وعملت كل اللي قولتيه ف البوست ده فالموضوع ملوش علاقه بولد اوبنت خالص ليه علاقه بالشخص بشكل عام وشخصيته وتفكيره واللي محتاجه من العلاقه ممكن تلاقي اللي يقدر بس انتي مترتاحيش او العكس تقدري وتلاقي اللي ميرتاحش ليكي ربنا يرزقنا بالناس الصافيه النقيه اللي تفهمنا وتقدرنا 💔😓😓

Apple_65355 🇪🇬 · Answer

يبقي تفهمي اهلك واهله الكلام ده وتخلي العلاقه دي تنتهي لان لو تمت هتخسري ومهما طولت هيطلقك او هتعيشي ف عذاب وانتي الهتخسري ف الاخر

Mushroom_68593 🇪🇬 · Answer

باين انه رأي جماعي و اني لوحدي انا و ماما اللي شايفين ان بعد الجواز يمكن يتغير 
بس سؤال هل الغربه ممكن تخلي حد يبقي قاسي كده؟

Mushroom_68593 🇪🇬 · Answer

اللهم آمين يا رب 
عندك حق

Blueberry_71020 🇪🇬 · Answer

هو غالبا بيتسلي بيكي للاسف

Mushroom_68593 🇪🇬 · Answer

بالضبط كده

Mushroom_68593 🇪🇬 · Answer

بيتسلي و كل ما اتكلم ف حاجه مشابهه لكدا يقول انا عرفت اهلي و اهلك؟

Blueberry_71020 🇪🇬 · Answer

ممكن تكون شخصيته كدا 
اللي هو مش اجتماعي مش متعود يسال ع حد عايش مع نفسه مش مهتم بحد طبيعته كدا فاهماني ؟

Mushroom_68593 🇪🇬 · Answer

و الحل

Mushroom_68593 🇪🇬 · Answer

بالعكس انا اللي مش اجتماعيه و معنديش صحاب كتير و هو لما يلاقي كده يقولي اسألي ع الناس و كده

Ice Cream_69878 🇪🇬 · Answer

انا مش عاوزة اقولك تبعدي واكون بخرب الله اعلم برضوا بالنوايا صلي استخارة وشوفي بس هو صعب ودا وحش لاننا عالاقل بنحب الاهتمام

Mushroom_68593 🇪🇬 · Answer

فهماكي مش عارفه اقول ازاي اني كل مره بصلي فيها و بدعي ربنا ان لو خير ليا يقربه و لو شر يبعده تحصل مشكله و نبعد

Lemon_70389 🇪🇬 · Answer

محدش بيحبك هيغيب عنك يوم واحد
اللي مايفرقش معاه الغياب مايفرقش معاه الحضور

Banana_69853 🇪🇬 · Answer

لا طبعا استحاله انا ك شاب بقولك اللي بيحب واحده لازم يطمن عليها و لو راجع من الشغل تعبان يطمن برساله و ينام إنما دا فكك منه عشان دا وجع قلب و فرهده علي الفاضي و لما كنت في علاقه و هي اللي غلطانه بصالحها مش ضعف مني بس عشان مخليهاش تنام زعلانه و حكايه أنه متقدمش دي المفروض حتا لو عنده ظروف انتي بتقولي الأهالي عارفه يبقي ييجي يتقدم و تقفو جنبو عشان داخل من باب البيت كدا اسمه شاريكي

Ice Cream_69878 🇪🇬 · Answer

طب يا حبيبتي عاوزة علامة اكتر من كدا ايه. وتوصليها ليه ازاي قولي انا مش مرتاحة او تعبت او بطريقتك الي بتتعاملي بيها لكن ماتصبريش نفسك وتقولي هيتغير اكترهم مابيتغيروش صعب الانسان يتغير عن طبع فيه ومش بنتقد بس الرجالة واحنا البنات كمان كدا في حاجات صعب نغيرها بس بنتعايش

Mushroom_68593 🇪🇬 · Answer

انا اهلي مستنيينه يكون نفسه والله و مقالوش حاجه قال انه مش هيجهز شقه بالكامل مقالوش حاجه قالو هي اللي هتعيش 
هو مشكلته اني ف الخناق بحب اتكلم و اتفاهم و هو بيحب يسكت بس ببقي عارفه لو سكت هيبعد و يرجع وقت ما يكون هدي و احيانا كتير برضو مش بكون عملت حاجه او مثلا اتكلمت بتلقائيه شويه و هو زعل و انا معرفتش دا يسكت و ياخد جمب مني و انا بسكت كمن عشان وقتها بفتكر انه زهق و مبقاش عاوز يكمل

Mushroom_68593 🇪🇬 · Answer

و انا اللي مش عارفه ابعد و كل مره بديله فرصه و بيوعدني انه هيتغير و دايما بيتحجج انه ف غربه و لوحده و برجع عشان ببقي خايفه اكون ظلمته فهماني

Banana_69853 🇪🇬 · Answer

اه فهمت يعني لما مش بيكلمك بيكون في سبب و بيزعل فا بيسكت و بياخد فتره عقبال ما بيرجع صح كدا

Mushroom_68593 🇪🇬 · Answer

اه الفكره ان السبب هو بس اللي بيكون عارفه انا مش بكون فاهمه في ايه و لما بيقول اللي حصل بقوله لا تعال و قولي ف وقتها و انا لو مصالحتكش من حقك تاخد جمب مني هو ممكن يزعل لو انا في حاجه مش ف امكاني اعملها او مثلا مكنتش فاضيه في وقت معين هو فاضي فيه او لو كنت تعبانه مش بيصدقني غير لو شاف اني تعبانه

Banana_69853 🇪🇬 · Answer

منا قولتلك من البدايه اللي بيحب حد بيشتاق ليه و الكلام معاه و طالما انتي ملتزمه في لبسك و مظهرك و اسلوبك و عاقله يبقي مفيش مشكله فيكي و حددي مصيرك في العلاقه دي عشان متخسريش وقت من عمرك و مجهود و نفسيتك تبقي مش كويسه

Mushroom_68593 🇪🇬 · Answer

الحمدلله بحاول ع قد ما اقدر ابقي عقلانيه معاه و اللبس و المظهر الحمدلله مختمره 
حاضر عندك حق

Mango_56655 🇪🇬 · Answer

مبيحبكيش هو ممكن يكون حابب حبك ليه لكن مبيحبكيش للاسف انا بتأسفلك بالنيابة عنه و ربنا يعوضك بالارجل منه يحبك زي منتي ♥️

Mushroom_68593 🇪🇬 · Answer

جزاك الله كل خير ع مساعدتك 
لا خالص متعتذرش

Banana_69853 🇪🇬 · Answer

اديلو فرصه و حاولي انتي المره دي تختاري بعقلك مش بقلبك و هتختاري صح و ربنا يوفقك و يكرمك و يرزقك الزوج الصالح و الذريه الصالحه

Ice Cream_69878 🇪🇬 · Answer

فاهماكي والله لاني بخاف من الاحساس دا  لكن صلاة الاستخارة بتحدد كل حاجة امال هيا موجودة ليه وبرضوا مابيتغيرش لما بتديلوا فرص يعني دا تأكيد انو مش هيتعدل ومافيش حجة غربة او لا الي اوز يبعت ماسيدج واحدة يسأل يقدر يبعتها مافيش حد بيتشغل 24 ساعة بالزمن دا

Mushroom_68593 🇪🇬 · Answer

عندك حق برضو 
شكرا اوي علي انك ساعدتيني🫂♥