مش عايز أخلف بعد الجواز... هل في بنات زيّ؟

Question

يا جماعه انا بفكر دايما اني لما اتجوز مش حابب الخلفة بحس ان مسؤليتها صعبة اوي وممكن يحصل احداث كتيرة فالولاد يطلعو مختلفين او  ياخدو مسارات وحشة في حياتهم حتي بعد التربية و المتابعة ... ويمكن ده عشان انا عيلتي الي حد ما بيحصل فيها مشاكل كتير و كدا بس هل في بنات كمان بتشوف ده عادي ؟؟ ولا المعظم بيبقي متعلق بفكرة الامومة عشان ساعات بحس اني مش هلاقي حد زيي وده زي ما يكون بيكئبني

Olive_62236 🇪🇬 · Answer

احساسك طبيعي بيمر بيه اي حد 
خايف سيناريو بتاعك يتعاد 
او انك تبقي نسخة تانية من مشاكل عائلية شهدتها عينك في شبابك و مراهقتك و طفولتك

المال و البنون زينة الحياه الدنيا

اتجوز و خلف و قبل دا كلو 
خد دروس و اقرا كتب و احضر محاضرات تتعلم ازاي تطلع ابنك سوي نفسيا او بنتك سوية نفسيا

حتي لو في خلافات مع زوجتك متعملهاش قصاد اولادك 
حتي لو متخانقين متقطعوش كلام قصاد ولادكم و تهزوهم في ثقتهم بيكم

Peanut_79620 🇪🇬 · Answer

انا من النوع الي اصلا دايما مؤمن بالمعرفة المستمر ومن هواياتي القراءة اساسا و احيانا كمان بكتب ... و مقتنع جدا بالي انت بتقوله ..بس اوقات بيجي في دماغي حجات اكبر من كدا نفترض ابني او بنتي عاوز يعيش لوحده و انا مش قابل او مش حابب نفترض هيغير دينه او معتقده خصوصا اني بؤمن بحرية المعتقد هل وقتها هبقي عادي ..حاسس اني لاء

Watermelon_77928 🇪🇬 · Answer

اعتقد دا طبيعي
انا كنت كدا بردو لكن مش عشان في مشاكل اسرية اد ما كان خوف اني مش هعرف اطلعهم اسوياء نفسياً
لكن بالمجااهدة و الدعاء ربنا بييسر تربيتهم
اهم حاجه سنهم مايكونش متقارب عشان تقدري تدي كل طفل حقه

Olive_62236 🇪🇬 · Answer

ابنك او بنتك هيعيشو لوحدهم ليه !!
الفكرة هتيجي ف دماغهم ليه !!
عشان مش مرتاحين في البيئة المحيطة بيهم 
حاسين ب ضغط و اهمال ب مشاكل ب خلافات 
مفيش حد بيهجر بيئة صالحة ليه

ابنك او بنتك هيغير دينو ليه برضو الا لو متربي صح  ع عقائد الدين و من صغرو حببناه في دينو مش بنخوفو و نذكر العقاب و الحساب و السيئات و النار قبل ما نذكر الرحمة و الجنة و الحسنات و الثواب

Watermelon_77928 🇪🇬 · Answer

لو عايز تتكلم لغة جديده هتعمل ايه؟ تتعلم اساسياتها الاول
عشان تجنبهم الإلحاد او الأفكار الغربيه عموما لزم تأسسهم عقيده من الصغر

Peanut_79620 🇪🇬 · Answer

بصي انا اوقات بفكر انه كل حاجة احنا واخدينها في حياتنا وارثينها الدين القيم العادات الثقافة شكل الحياة كله محدش فينا اختاره اصلا لنفسه .. و جيت عند سن معين قولت هو انا بعمل كل ده ليه و انا مخترتش كل ده ف بتخيل ان ابني يجي في سن و يبقي برضو مش مقتنع لا بعاداتي ولا بتقاليدي ولا حتي بديني ساعتها مش عارف ممكن اتصرف ازاي

Watermelon_77928 🇪🇬 · Answer

العادات والتقاليد بتتغير من مجتمع للتاني
لكن الدين عشان مايتغيرش لازم تأسسه صح
لازم تزرعه بدري والدعاء يحاوطهم استودعهم عند ربنا و دا دورك بس
لو حادوا عن الطريق الصح هيرجعوا لو النبته كانت أساسها صح

Peanut_79620 🇪🇬 · Answer

ليه بنتكلم علي اساس هيطلعو نسخ مننا مهو جايز عند سن معين يبقي حاسس انه مش مقتنع بعادة معينة او بدين معين .. م كتير بنسمع عن ناس بتكون متربية علي دين او ثقافة وبتسيبو او بيطلع مش شبه اهله في حجات كتير

Donut_78122 🇪🇬 · Answer

أنا زيك بردو خيفه من الموضوع ده بسبب المرحله اللي بقي فيها المجتمع تقلق و فعلا تحسي مسؤوليه كبيره انك تطلعي حد سوي نفسيا

Blueberry_79752 🇪🇬 · Answer

في فرق بين انها مجرد مشاعر قلق وخوف من مسؤولية تربية الولاد وبين انك عايز تاخد ده توجه ليك ولما تتجوز متخلفش فعلا واللي حسبته من كلامك انك عايز تاخده توجه ومتخلفش وده ف حد ذاته مشكلة والحل تتعلم عن التربية وتطرد الوساوس عنك لان ده مش الحل

Blueberry_79752 🇪🇬 · Answer

التربية زى ما ليها مسؤوليها ففيها حاجات كتير حلوة وحسنات كتيرة اوي كفاية انك بتحيي نفوس مسلمة وتكون مسؤول عنهم فحتى مثلا لو مطلعتش صدقات كتير وعملت خير كتير بره ونوافل فمجرد قوامتك على اسرتك بيغطي ده كله لانك بتاكلهم وتشربهم وتعلمهم وترببهم يعني الجواز ف زماننا جبل حسنات الصراحة ومشاريع كتير حلوة تفتحها لاخرتك