مش عايزه ارجع بمثل.. عايزه ارجع تلقائي!

Coffee_65855 🇪🇬

منذ أسبوع واحد

شعور مرتبك

الواحد حاسس انه منطفي اه بهزر و بضحك و بنبسط و بروح و باجي بس برضو في حته جوايا ميته مكنتش كده زمان و مش عارفه ارجع ازاي عايزه ارجع بنفس الروح بتاعت زمان عايزه ارجع تلقائيه مش بمثل اه انا ببقى مبسوطه بجد بس مش بكل قلبي معرفش في حد ممكن يفهمني او لا

بحس بالعجز ومش قادره أحب نفسي من جوا

بحس ان انا لو مكنتش انا كنت هحسد نفسي بالذات لما اشوف صوري وصحابي انا الحمد لله شكلي حلو و كويسه مع كل اللي حواليا و عندي صحاب كتير و كلهم بيحبوني و مباذيش اي حد حتى الحيوانات بالعكس تماما انا بشتري اكل للقطت و العصافير من مصروفي مخصوص علشان بتوع الشارع مع اني معنديش حيوان في البيت و بلعب مع الكلاب والقطت بتوع الشارع و مبيخافوش مني و بيحبوني و عيلتي ناس محترمين جدا و محبوبين من كل الناس اهلي بيعلموني انا و اخواتي احسن تعليم اخواتي اتخرجوا و بيشتغلو و ناس ناجحين وانا لسه متخرجتش اللي عايزه اقوله اني الحمد لله راضيه جدا و بحمد ربنا كل يوم بس حياة الانسان عمرها ما هتبقى كامله انا مع كل الحاجات الحلوه دي مش قادره احب نفسي من جوا ودا لاسباب كتير انا مقصدش اني مبحبش شكلي انا قصدي جواا يعني بحس كتير بالعجز و بحس اني فاشله بحس اني مستحيل أبقى زي اخواتي ودا علشان انا مبحبش التعليم انا بحب الفن و الرياضه عمري ما حسيت اني هبقى مميزه لو كنت مهندسه او دكتوره بس هبقى مميزه اكتر لو بقيت ممثله او راقصه او بعزف موسيقى او رسامه او حتى رياضيه دا شغفي في الحياه بس كل دا انا للاسف مش هعرف احققه اهلي التعليم بالنسبالهم رقم واحد قبل الاكل والشرب و انا التعليم بالنسبالي رقم مليون يعني دي اخر حاجه بفكر فيها انا حاسه اني بعافر والله اهلي مش فاهميني و انا بالنسبالهم البنت الفاشله الموضوع صعب جدا انه يتشرح بالذات بعد ما بقيت فاقده الشغف في كل حاجه حتى الحاجات اللي كنت بحبها انا للاسف بقيت انسانه وحشه جدا مع نفسي بقيت حاسه اني خطر عليا ادعولي و يا ريت لو في اي ولد دخل يبعتلي على امل الشقط ف يحترم نفسه ولو لمره واحده في حياته و ميبعتش. ...عرض المزيد

7 الدعم

6 نصيحة