مش عارف أعمل إيه بعد ما الاتفاق اتغير وعلاقتنا وقفت

Grape_63496 🇪🇬

منذ أسبوع واحد

شعور متعب

من تلت سنين كده حبيت واحده في بداية الكلية و ده طبعا كان غلط و أعدنا مع بعض يجي سنتين و كنا متفقين في اخر سنه اخطبها و طبعا جنب الكلية كنت بحاول اشتغل و كده و كلمة حق تتقال كانت بتشجعني ولاكن زي اي حاجه غلط الموضوع مكملش و بعدها بسنه تقريبا اتكلمنا بس كلام عادي جدا عن دراسة أو كده بس اتفقنا اي كلام تاني يبقا رسمي و حاليا عندي اكتر من ظرف اني اصغر اخواتي و كليتي و كده ف مش عارف اعمل ايه و قالتلي اني محاولتش مع اني كنت بشتغل مخصوص ل كده و فكرة إن الاتفاق اتغير ف بصراحه مش عارف اعمل ايه بس اللي قولته لنفسي إن كده صح وخليك بعيد ولو فيها الخير هيكون بس بردو بلوم نفسي أنها كانت كويسه و مينفعش الموضوع يخلص كده وبس معلش لو طولت عليك

مش عارفه اعمل ايه في علاقتي ومش شايفه مناسبه ليا

انا مخنوقه اول مره احكي حاجه زي دي بس انا مش قادره افكر انا عرفت ولد وقربنه من بعض وبقينا نتكلم كتييييير اوي وفي اقل من شهر تقريبا بقينا عرفين عن بعض كل حاجه انا سكنه في حتي بعيد عنه ومع كده بيجيلي ديما رغم انه مش بيحب يسوق مسفات طويله وساعات بيكون تعبان اوي وبيجي بس عشان يشفني مشكلتي بقي اني بحس ان تفكرنه وال lifestyle بتاع حياتنا مختلف وكل مكنت بحول اقوله الكلام ده كان بيقعد يقولي شوفي العوزه وهعملهولك وبعدها بنفضل قريبين وانا فالطبيعي بنت محترمه جدا مش بسلم حتي علي اولاد بالايد واعرف ربنا لحد ما في يوم جه حضني وبسني انا عارفه ان قصده مكنش وحش وعارفه انه عايز يتجوزني من اول يوم شفني وانا الرافضه وانا برده سني مش صغير انا داخله علي ٣٠ سنه والمشكله اني اتعلقت بيه جدا وهو كمان وانا حسه بالذنب وعوزه ابعد عنه عشان انا مش مقتنعه ان طبعنا منسبه لبعض انا وعيه وناضجه وفاهمه ان المشاعر لوحدها مش كفايه وفي حاجات تانيه بيتبني عليها العلاقات بس انا حسه بالذنب ومش عارفه اعمل ايه وعارفه انه مش حد وحش ابدا وان انا لو طلبت منه دلوقتي يتقدملي هيعمل كده وهيعمل اي حاجه انا عوزها بس حقيقي انا مش شايفه انها علاقه منسبه ليا او شبه احلامي اعمل ايه ومش عوزه حد يكلمني اني بنت وحشه عشان والله والله انا مش كده ابدا وكل اليعرفني بيحلف باخلاقي وعارف قد ايه انا محترمه وملتزمه هو نفسه اصلا قبل الموضوع ده عمره حتي مسلم عليا باليد ...عرض المزيد

0 الدعم

21 نصيحة

بحبها بس مش شايفاني غير صديق.. هل أمشي؟

هو لو حد بتحبه وفضلت تحاول معاه كتير وعارفين بعض بقالكم اكتر من سنة وخرجتم مع بعض وكل ده بس هو مش شايفك غير صحاب بحجة ان احنا مختلفين (وده حتى لو صح) فميمنعش ان ممكن يكون الاختلاف ده سبب قربنا... المهم انا بحبها بس هي زي ما قولت مش شايفاني غير صحاب وشخص مريح... حتى كانت زمان تقولي مش عاوزني ابعد عنها دلوقتي بحس ان الموضوع عادي وجودي زي عدمه... هل الأفضل أمشي... رغم ان الموضوع مش سهل. ولا هبقى غلطان لأني بعدت عنها... مع العلم ان ناس قالتلي اصبر عليها بس بقيت حاسس اني مش عارف اصبر حاسس ان مع الصبر ده مبقتش انا ... مش عارف بقى!! ...عرض المزيد

0 الدعم

4 نصيحة

ذل الأهل وضرب أبويا عشان نضارة بكام جنيه

تبقي ساكت ومتحمل كل اللي بيعملوه و تكون أقل من كل اللي حواليك في كل حاجه و عمال تقول ظروف و هتعدي و هما يفتكروا أنهم معيشينك عيشة ولا في الاحلام و يقعدوا يذلوا فيك وانت اصلا مقصس حياتك بالعافية نضارتي محصلش فيا حاجه ولا لمستها جيت اخدها من علي الكرسي لقيت العدسه واقعه من الشامبر عادي لقيت ابويا قام مكمل عليها كسر و ضربني و قالي أنا طافح الدم وانتٍ تكسريها بالساهل علما بأن ابويا بيديني مصروف في الشهر الف جنية اروح بيه كليتي اللي انا بسافر ليها ساعتين مواصلات و اشتري بيه اللي انا عاوزاه و اصرف بيه علي نفسه و اكشف و اجيب لبسو ادفع مصاريف و كل حاجه مفكر أن الالف بتاعته دي بتعمل حاجه بس الواحد مقضي حياته و ساكت ويقول عادي عادي لكن بعد ضربه ليا ده مع اني قولت ليه اني والله معملت فيها حاجه كان هيخلع فكي في ايده و عمال يشتم فيا و يدعي عليا ده ب ١٠٠جنية عنده ممكن يدي اخواتي الولاد اللي هما عاوزينه ده ساعات بيشيل مني علشان يدي اخويا فأنا قررت بلاها ذل و بما انهم مش بيرحموا ولا بيسيبوا رحمة ربنا تنزل و مش عاوزني اشتغل أنا هقضي حياتي في البيت اعيش ليهم خدامه واعمل بلقمتي بس مش هاخد منهم جنية و هسيب الكلية علي الاقل لما حد ييجي يقول بنصرف عليكي أقوالهم محدش بيديني جنية و هو بيقولي البنات اصلا مولودين ليه علشان يتجوزوا متحلميش انك تسافري ولا تشتغلي و اهلي في فرح و مبسوطين و سايبيني في البيت معاه اتصلت بأخويا معبرنيش و كلهم غلطوني اني ليه وريتوا النضارة ده انا بقول لاخويا خدها وديها بس كده والله معدتش عاوزة اتعامل معاهم ولا اكلم حد فيهم. ده نبذه بسيطة عن اللي بشوفوا في بيت الأهل ...عرض المزيد

1 الدعم

2 نصيحة