مش عارف أبدأ منين.. بحب واحده ف المدرسه وخلاص!

Question

مش عارف ابدأ منين بس انا بحب واحده معايا ف المدرسه و احنا تالته اعدادي وخلاص كل واحد هيمشي من المدرسه و كل واحد هيشوف طريقه غير ان احنا منعرفش بعض لكن بنشوف بعض ف الطابور و حجات زي كدا لكن انا بحبها و اللي اعرفه ان هيا مرتبطه بس غالبا سابوا بعض ونا مش عايز اروح اعترف ل اترفض و يبقي شكلي وحش و خايف من كذا حاجه و تايه و مش عارف ايه ال بيدور و كدا...

Coffee_37309 🇪🇬 · Accepted Answer

بص هقول لك على حاجه ، انت تعرف ان اللي انت كاتبه دا اسمه جَهر بالمعصية يعني انت بتقول للناس كدا بص ان بذنب قدامك اهوو ، وشوف بقى اللي هيعمل زيك وتاخد انت ذنبه كمان وهكذا ،
ثانيا حكاية الحب دي سيبك منها لأن هتوجع دماغك وهي حاجه حرام اولا وأخيرا ،
و كمان ماتدخلش في حتة البنات خالص عشان دي من خطوات الشيطان اللي بتتبعها في آخر حاجه بالزنا والعياذ بالله 
ابعت لي عشان اكلمك عشان مش بيعت اكتر من 220 حرف

Coffee_37309 🇪🇬 · Answer

خلاص هكمل لك 
بقول لك الشيطان بيغريك في الاول بإن دا عادي والناس كلها بتعمل كدا ، ما تسمع له واستعيذ بالله من الشيطان ،
وبص الكلام جاب بعضه الشيطان هيقول لك الناس كلها بتعمل كدا شوف بقى كام واحد او واحدة عملت زي اللي جَهر بالمعصية في الاول يعني الحمدلله الذي عافانا 
الرسول صلى الله عليه وسلم قال "  كل أُمتيع معافى إلا المجاهرون '' المجاهرون اللي هم بينزلوا أغاني وبيعملوا معاصي قدام الناس

Coffee_37309 🇪🇬 · Answer

لو عايز تخلص من الكلام الفارغ داما تفكرش فيها وكمان سيبك من الحرام وادعي ربنا يجوزها لك بالحلال

وياما في ناس كتير كانت معانا ومشيت ونسيناها ، عادي كل هيموت وهيتنسي ، ف لازم تعمل لنفسك حاجه تفيدك دنيا وآخره 
وحاول تشغل نفسك بحاجه كل ما تفكر في الحجات دي ،. وخليك مع الناس الحلوة المحترمة الصحبة الصالحة مش اللي بيمشوا مع بنات

Coffee_37309 🇪🇬 · Answer

وما تنساش كما تدين تدان يعني اللي هتعمله في بنات هيتعمل علطول في أختك امك بنتك ، 
ف حافظ على نفسك من الحجات دي كلها هوىٰ نفس و وسواس الشيطان

زي أخوك بوعيك عشان ما تندمش قدام ، 
وخلي ربنا هو الملجأ الوحيد عندك 
وعشان تعمل كدا صلي صلي 
يا رب تكون فهمتني 😁🤍

Popcorn_52587 🇺🇸 · Answer

طالما هيا شافت حد غيرك متفكرش انك تروحلها لأن كرامتك اهم من اي حاجه كدا كدا هيا في الاخر حتا لو رجعت هنشوف حد تاني وشكلها بتتسلي